Historia 6 outubro 2007
A bandeira sueva do “Galliciense Regnum”.
Xa que está tan de actualidade o tema das bandeiras estes dias, decidin indagar un pouco sobre o que foi posiblemente o estandarte suevo, o que veu a corresponder a un dos periodos máis importantes da historia galaica. Alá polo ano 407-409 chegaron ao noso territorio varios milleiros de xermanos da tribo dos suevos, e asinaron có afeblecido imperio romano un "foedus" (pacto) polo cal asumiron o control da provincia romana da Gallaecia, o chamado Galliciense Regnum durou perto de 200 anos e foi o primeiro estado medieval recoñecido polos romanos en Europa, representa para moitos de nós un momento épico da nosa historia, a unificación de tódolos povos galaicos baixo un mando común. Durante este tempo, reinou unha dinastia de orixe sueva, que como calqueira monarca tiña o seu distintivo, a súa marca identificativa, no caso da dinastia sueva do "Regnum Sueborum" de comezos do século V, o seu estandarte ou bandeira non está moi claro posto que 
non se conservaron datos nin elementos gráficos delo, pero nun documento conservado na catedral de Lugo e datado no ano 1669, afirmábase que un dragón verde e un león rampante de cor vermella figuraban no seu escudo de armas.
Hai un par de anos buscando información atopei esta web na que tratan o tema das diferentes bandeiras galegas e tamén falan da nosa historia, por suposto temos infinidade de páxinas onde atopar información e tamén moitos libros, o último que merquei foi hai dous ou tres anos e chámase "Historia xeral de Galicia" de Anselmo López Carreira.
chuzame -
o 2007-10-06 ás 12.55 pm 1.Luis dixo …
Ola Breogain, canto tempo! Xa estou nas terras inglesas, e isto de adaptarse é un chisco difícil ás veces, pero por aquí polo momento ben! Gustame moito a túa última entrada, coma xa te dixera, encántame a historia… E xa sabes, a seguir escribindo de Galicia e de Pontevedra, que eu quérome enterar de todo! Unha aperta. Ciao!
o 2007-10-06 ás 2.10 pm 2.Brugal con Cola dixo …
Interesante y bonito post, sigue así.
Saludos a todos.
o 2007-10-06 ás 2.45 pm 3.breogain dixo …
Boas Luis, alédame saber que a túa estadia nesas terras británicas é gratificante, cando queiras xa sabes, colga algunha foto da zona aquela no teu blog, por aqui todo vai indo ben, xa sabes que podes estar ao tanto de todo o que aconteza gracias aos blog’s do “blogomillo pontevedrés” que tes na miña barra lateral. En canto ao post que publiquei hoxe, pois eu tamén son un namorado da historia de Galiza, góstame o periodo suevo e medieval sobre todo, hai anos que teño esa bandeira da que vos falo, podédela mirar aqui
http://www.flickr.com/photos/breogain/709173185/
un saúdo ao dous.
o 2007-10-10 ás 3.20 am 4.Suevo dixo …
Ola Breogain, falando de bandeiras suevas, gustame mais esta composición: http://static.flickr.com/76/189048441_b60d703601.jpg ou polo menos co dragon erguido tamén http://photos1.blogger.com/blogger/1088/1523/1600/Gallaecia_Regnum_verdadeira.jpg
Saudos
o 2007-10-11 ás 8.51 am 5.breogain dixo …
Suevo, efectivamente, tamén teño visto algunha composición có león e a coca “rampantes” e non está nada mal, a outra versión aseméllase máis á posición do dragón na bandeira galesa por exemplo, unha bandeira fermosa onde as haxa, outra das miñas preferidas é o estandarte da casa real escocesa, emprégase moito polos afeccionados escoceses nos partidos das súas respectivas seleccións de rugby ou de fútbol, eu teño a bandeira sueva e téñoa levado en dúas ocasións con motivo dos partidos da Selección Galega.
Un saúdo
o 2007-10-12 ás 3.16 pm 6.Suevo dixo …
A verdade é que a bandeira real escocesa do león rampante é preciosa: http://www.paranormaldatabase.com/highlands/highlands.htm
No partido da selección galega do ano pasado en riazor xa vin bastante xente coa bandeira “sueva”
o 2007-10-12 ás 9.55 pm 7.breogain dixo …
pois nada, para este nadal xa tomaremos unha cervexa antes do partido, xa é un clásico
de Pontevedra sempre van un par de buses de afeccionados e a xente de SS.GG.
o 2008-07-15 ás 9.31 pm 8.Eu dixo …
Ola:
O fútbol nom me interesa pero falando de celtismo e tal. Confundíronse conmigo porque pensaban que era nacional socialista e todo por falar da antiga Europa da historia antiga porque son unha amante de temas antigos e ancestrais que nom de Franco e Hitler e máis basura… senón por iso, por levar unha cruz celta pero das bóas, hehe. Etcetc. ¿Pódesme dicir quenes som os verdadeiros antifascistas? porque vexo que uns rompen cabezas por isto e outros o respetan. Obrigada.
o 2008-07-15 ás 10.10 pm 9.breogain dixo …
Eu tamén son un amante do celtismo, a galiza castrexa e sueva pero tampouco vaias ti a pensar que controlo demasiado
eu non levo unha cruz celta, eu levo o trisquele de castromao que puideches ollar que vendo, pois unha tatuaxe dese mesmo no meu omóplato esquerdo.
No tema de feixistas e anti-feixistas pois non sei, hai algo de confusión e a xente normalmente adoita chamar feixista a calqueira que queira impor o seu pensamento pola forza, teño escoitado chamarlles feixistas aos nacionalistas en moitísimas ocasións, pero comumente eu entendo por anti-feixistas aqueles que loitan contra o feixismo nas súas diversas vertentes, no caso do Estado Español virian sendo a xente da Falanxe, de Alianza Nacional e tipos como Ynestrillas e tal…se son os verdadeiros anti-feixistas non o sei, non son quén de dicilo porque tampouco me considero estandarte de nada, ¿se me considero anti-feixista?, pois en certa medida si, repudio o fascismo español e todo o que lle rodea pero non podo dicir que vai en contra do capital por exemplo, porque hoxendia preciso del para sobrevivir e calqueira anti-feixista tamén quere vesti-las súas marcas e todo iso, asi que a pureza non a busques porque non a atoparás…jajaja.
Polo demais, no que comentas de que uns rompen cabezas e outros o respectan, pois non sei que dicirche, por exemplo en Pasarón, cando viñeron os ultras de Talavera a xogar, viñeron cinco nazis moi chulos eles provocando e tal, ao sair do campo alguén lles baixou os fumes e marcharon por patas, ¿iso pode considerarse un ataque anti-feixista? pode ser, non son eu quén de dicilo, non houbo feridos pero si foi coñecido por moita xente ao dia seguinte e non penses ti que foron moitos os que botaron as mans á cabeza, polo visto non lles pareceu mal de todo, outra cousa é a violencia pola violencia, iso xa non o vexo tan ben, pero como che dicia na outra contestación, se che provocan e buscan o enfrontamento en moitas ocasións pódenno atopar, e lei de vida, o mesmo acontece cós hooligans nas Illas británicas, pero ahí é rivalidade local máis que política ou ideolóxica.
Un saúdo e graciñas por pasarte pola miña web, saúdos dende Pontevedra.