A ponte vella

Como moitos blogues, web's, xornais, persoas a título particular ou colectivos de toda índole, quérome unir ás familias dos mariñeiros galegos e bascos do pesqueiro Alakrana que levan máis dun mes secuestrados no Índico, unha zona que polo que contan, e xa verquiron rios de tinta sobre este tema, semella ser unha zona sen lei de ningún tipo, onde todos estes piratas campan ao seu antollo e cun kalashnikov e un lanzagranadas poden ter en xaque a un governo democrático como o español ou a calqueira outra potencia europea ou do resto do mundo.

Quérome unir á dor destas familias de Boiro, de Ribeira, de Baiona, de Hondarribia, Pasaia ou Lekeitio, xente que foi a traballar e gaña-lo pan nun oficio xa de por si, duro de máis, como para agora ter que pasar máis dun mes nun barco, case que sen comida e auga potable e compartindo lugar con estes fulanos drogados, armados e para os que a vida das persoas non ha valer nada. Agardo unha pronta solución deste conflicto internacional, a mellor para todos, non vou a entrar en polémicas de si a actuación de Garzón foi unha vez máis demasiado mediática e con afán de protagonismo, ao querer xulgar aos dous piratas e territorio español, a cousa puido facerse doutra maneira, tal e como fixeron o resto dos paises, tamén poideron ter enviado axuda militar antes á zona, se hai soldados españois en paises onde non hai intereses económicos, Líbano, Afghanistán e demais, porqué non no Océano Índico, onde faenan pesqueiros que dan traballo a moita xente e traen moita pasta para España, en fin, Carme Chacón ha de sabe-la resposta, eu somentes abogo porque se resolva isto canto antes e teña un final feliz, agardo que asi sexa.

Subscribete aos comentarios via RSS Feed