Actualidade & Galiza 26 marzo 2008
¿ O colante de GZ será controlado pola Garda civil ?
Hai un chisco que acabo de botarlle unha ollada á noticia e non puiden ficar máis perplexo, dende a web do Movemento polos dereitos civís infórmannos de que a Garda civil tomará os datos dos conductores de coches que leven expostos os colantes de GZ ou mesmo a bandeira galega coa estrela. Polo visto nunha das últimas xuntanzas de formación dos axentes da benemérita, repartíronse unha serie de informacións sobre as que o corpo armado considera "o segundo maior problema de terrorismo de España", polo visto todo aquel que leve o famoso colante de GZ (Galiza) no seu vehículo está baixo sospeita de pertencer ao M.L.N.G. ou sexa, o Movemento de Liberación Nacional Galego, vamos, que polo visto non se pode ser galeguista/nacionalista sen ter filiación política de ningún tipo ou ser sospeitoso de terrorismo, semella que como por exemplo no meu caso, que levo o colante posto no meu vehículo dende hai perto de dez anos, debo de ser un "elemento" perigoso e que haberia que ter controlado. Pregúntome se de verdade a Garda Civil non terá outra cousa que facer que perseguir a estes vehículos polo mero feito de levar colantes alusivos ao galeguismo, nacionalismo ou independentismo galego, os vehículos poden ir cheos de pegatinas coma se dun mural se tratase, pero por iso nin representan un perigo para o tráfico nin tampouco para os intereses dun ou doutro partido, a noticia poderia ser irrelevante senón fora porque semella que dun tempo a esta parte se quere criminaliza-lo nacionalismo galego dende diversos estamentos, situación ésta totalmente surrealista.
Se queren aproveita-lo tempo que persigan coches sen a I.T.V. pasada, cascallos vellos e remendados que circulan sen seguro polas estradas ou se buscan coches con pegatinas que poidan delatar aos seus ocupantes, que persigan aos que levas as de Pioneer, Turbo ou 16 válvulas, eses seguro que máis tarde ou máis cedo cometerán algunha infracción de tráfico.
chúzame -
o 2008-03-26 ás 9.44 pm 1.Julio Torres dixo …
Dacordo contigo breogain. Gracias pola túa visita amigo.
Un saúdo desde Sanxenxo e segue así que me gusta o teu blog.
Carpe Diem
o 2008-03-26 ás 10.31 pm 2.contacontos dixo …
Pois vaise a fartar en coller matrículas, coa miña xa debe de contar… Ao principio asustasme pensei que nos iban a poñer multas ou similar… Para min que é una lenda “urbá”…
o 2008-03-26 ás 11.31 pm 3.Loli66 dixo …
tas a falar en serio?
nom o podo creer!
eu nom a levo,(nim esa nim outra) pero ata vai a ser que a poño!
ademais sáeme millor de prezo que a nadie, pois levo unha casa que as comercializa!
vamos que si fai falla escomenzo a vendelas pola rúa a bó prezo para que todo quisqui a poña no coche!para que se esgoten a parar coches de terroristas camuflados!
isto nom será unha especie de represión a libertade de expresión?
nom terán cousas mais importantes e necesarias que facer?
o 2008-03-27 ás 12.17 am 4.maruxa dixo …
Isto xa é o último…pero esta xente de que vai?A miña pregunta é:e ós que levan a bandeira de España, Falange,touros…etc,tamén os van perseguir por fachas¿?tamén se vai facer con eles unha base de datos de posibles melancólicos do franquismo?E o día da patria,25 de xullo,cando teñamos as bandeiras de galiza colgadas nas fiestras,van a entrar nos nosos fogares a requisar??Que se deixen de perder o tempo con estas pallasadas, e que traballen de verdade e se preoucupen pola seguridade das estradas na galiza,que algunhas da mágoa velas.Que será o próximo que nos teñen argallado aos nacionalistas?Loli,anímote a que as vendas,seguro q te forras.Eu ao igual que o compañeiro breo non a preciso pq dende sempre vai conmigo.saúde e patria pa tod@s.Maruxa.
o 2008-03-27 ás 3.28 pm 5.breogain dixo …
o tema saltou onte á luz pública, non hai probas físicas de que se tratara este tema concreto, haberá que agardar algo máis de información nos vindeiros dias, pero de tódalas maneiras somentes o feito de que se chegue a falar de indentifcar aos conductores (xa non falo de multar) que leven estes colantes nos seus vehículos semella unha tomadura de pelo de proporcións inmensas….
un saudiño a todo@s
o 2008-03-27 ás 11.34 pm 6.breogain dixo …
hoxe semella que hai algo máis de información e apareceu un “croquis” do que viria sendo o M.L.N.G. e que estaria sendo repartido aos axentes para o seu control, atopeino na web do movemento polos dereitos civís e tamén no forogaliza, ademais de no portal galego vieiros, tédelo actualizado nesta mesma entrada,pinchando no texto onde pon “informes” aparece a imaxe. Polo que parece están organizando unha resposta popular e cidadá se isto vai adiante consistente no reparto de miles de pegatinas gratuitas.
un saúdo
o 2008-03-27 ás 11.35 pm 7.Nel dixo …
Pois a noticia debe ser verdadeira xa que non creo que Bieito Lobeira levase o tema ao parlamento sen contrastar a súa veracidade coa xente do Movemento polos Dereitos Civís. De moménto, na propia páxina deste organismo xa tedes unhas fotografías: a primeira é un cadro sinóptico coas organizacións citadas e a outra as fotos de dúas persoas.
o 2008-03-28 ás 12.15 am 8.breogain dixo …
Graciñas Nel
Como xa comentei tamén na anterior resposta á túa, xa editei o post coa nova información que ti comentas, pero para que sexa máis doado de atopar aqui vos poño a url ao cadro do que falas.
http://bp3.blogger.com/_bRRd1UzL6RE/R-vIEzyzYYI/AAAAAAAAAB0/02f-2uvfuho/s1600-h/Organigrama+MLNG.jpg
Un saúdo e graciñas por pasarte…
o 2008-03-29 ás 2.18 am 9.Antón dixo …
http://perso.wanadoo.es/mpdcgz/eu%20te%F1o%20unha%20gz%20no%20meu%20coche.htm
Asinemos cantos mais mellor!!
o 2008-04-01 ás 12.24 pm 10.Ulmo de Arxila dixo …
A min isto lembra-me muitísimo o macrosumário 18/98 contra o conxunto da esquerda abertzale, nunha tentativa de fazer-lle crer à sociedade que todo canto cheirava a nacionalismo euskaldun de esquerdas era sinónimo de terrorismo, de ETA, de violéncia. Agora parece ser que nos toca aos nacionalistas galegos pasar por algo semellante. A verdade é que xa levan un tempo tentando-o, mais agora que parece que o nacionalismo pode ser determinante en Madrid e que comeza a “pisar moqueta”, a ofensiva fai-se especialmente descarada.
Para que vos fagais unha idea de até ónde chega a obscenidade mental desta xentiña: http://www.libertaddigital.com/noticias/kw/bng/catalan/galicia/gallego/marginacion_castellano/vasco/kw/noticia_1276326141.html
o 2008-04-01 ás 2.04 pm 11.breogain dixo …
acabo de mira-lo artigo ese de “libertad digital” e paréceme aberrante que esta xente faga unha demagoxia de tal calibre…que pretendemos ter un huso horario propio? non señores, en tal caso seria o que por coherencia nos pertenceria, o mesmo que Canárias, Portugal ou Irlanda, que pretendemos ilegalizar á Garda civil…jajaja, veña, non me fagades rir, o colmo é que poñan Junta de Galicia, veña por favor, un pouquiño de seriedade e menos “hooliganismo” sectario.
un saúdo Ulmo
o 2008-04-04 ás 12.45 am 12.ruben dixo …
sois tan fachillas o mas q la mayoria de los “españolistas”, pero teneis razon de que cada uno puede llevar lo q le de la gana en su coche, en eso teneis toda la razon, es mas, si de verdad van a hacer eso tambien la pongo yo.
Aunque bueno, para esto hablais de libertad, pero cuando pronto prohiban que la gente pueda poner los rotulos de sus comercios en castellano, os parecera bien, porque solo veis del lado que quereis ver (aunque ya se q otros solo ven el lado contrario, al final los q perdemos somos los q queremos libertad).
o 2008-04-04 ás 7.46 am 13.breogain dixo …
que somos “fachillas”…? aqui o único do que se está a falar é que con estas actuacións se están a recortar liberdades individuais, estarás conmigo en que ninguén pode ser identificado e moito menos multado por levar unha pegatina no seu coche, acaso iso interfire na circulación, pode causar accidentes tal vez? que se adiquen a traballar por reducir o número de mortos nas estradas e deixen a política para os políticos, se a Garda Civil segue a camiñar pola senda da represión e da intimidación ao nacionalismo galego pode topar de fronte có rexeitamento de miles e miles de persoas, non se pode criminalizar a unha persoa polo mero feito de defender democraticamente e civilizadamente unhas ideas, outra cousa é que leven unha pistola ou unha bomba no coche….
Un saúdo Rubén.
o 2008-04-04 ás 1.08 pm 14.Ulmo de Arxila dixo …
Xa comezan a tocar-me a moral estes que non paran de falar de “imposizón” e “totalitarismo” cada vez que sae unha notícia relacionada co galego. E depois de ler atrocidades coma as que publicou hoxe o Blanco Valdés ese en La Coz de Galicia http://www.lavozdegalicia.es/opinion/200…), con máis motivo ainda. Lede-o, que non ten desperdício. O de “Senyora Papallona” non somente é un chiste sen chisco de graza, senón que, a máis, é falso, e non responde para nada ao que acontece en Catalunya.
Ruben, a ver se nos informamos mellor, abrimos un pouquiño os ollos e non achantamos con todo o que nos botan desde os médios de comunicazón. O da liberdade é mui fermoso e há que luitar por ela até a morte, se for preciso; mais tamén há que luitar pola supervivéncia. E parece-me mui forte falar de que o galego se está a impor, parece-me mui forte dar por suposto que galego e español están en igualdade de condizóns cando non há máis que ver cómo o número de galego-falantes baixa cada dia, cómo somente temos unha canle que oferta contidos en galego (fronte a 700000 que nos falan en español), etc etc.
Se defender é isto é ser “fachilla”, pois serei “fachilla”, que lle vou fazer. O único que sei é que nunca me conformarei con que o galego acabe sendo un fósil mui bonito e mui ben acicalado nunha vitrina dun museu.
o 2008-04-07 ás 12.43 am 15.ruben dixo …
breogain, niso xa vos dixen q si tiñades razon, q cada un leve a pegatina q lle de a gana no coche, que iso non fai nin boa nin mala a unha persoa, pero tamen quen queira rotular en castelan ou en suagili q o poida facer, porque pronto non se podera, q estes dias falase diso nos periodicos.
E q non pareza q eu teño algo en contra do galego, a min dame igual galego q castelan, pero jodeme q se intente atacar ao castelan, tamen coas galescolas esas, antes obligaban os nenos a falar castelan e agora vanlles obligar a falar galego, iso é ser un dictador coma Franco, sempre impoñendo uns determinados criterios en vez de deixar q cada un fale como lle de a puta gana joder, a miña nai pegabanlle na escola xq falaba galego xa q non sabia castelan, e aos meus fillos pasaralles o contrario, e non quero NIN UNHA COUSA NIN A OUTRA.
o 2008-04-07 ás 1.01 am 16.ruben dixo …
ulmo de arxila, o galego perde falantes, pero non se pode impoñer un idioma legalmente xa q é unha decision persoal de cada falante, que decide se usar galego ou castelan, se a maioria decide castelan, pois falaranno, e os q decidan galego falaran galego ¿q lle queres? hai q aceptar a libre decision de cada un, tes moitas mais canles en español xq é un idioma falado por moitisima mais xente, e a iso engadeselle q os 3 millons q entenden o galego tamen entenden o castelan, por iso non me parece mal q se lle favoreza un pouco dende a xunta, pero non a costa de quitar liberdades nin de atacar o castelan, iso non.
Ahh, e por dicir o q dixeche agora non es facha, pero medidas como o das galescolas si q me parece ser uns fachas, q agora q me acordo, quintana q quere q canten o himno, iso é como cando lles mandaban cantar o “de cara al sol” no franquismo, se iso non é ser un facha…
o 2008-04-07 ás 3.40 pm 17.breogain dixo …
rubén
eu coido que aqui non se pretende impor o galego entre a povoación galega, unha vez máis repito que as galescolas son un exemplo máis da oferta de prazas infantís que hai agora en Galiza, ninguén está obrigado a matricular a un cativo nelas, sempre podes ir a outras garderias, até o de agora, os que quixéramos educar en galego aos nosos cativos non tiñamos oferta e agora si temos, un neno que aprenda o galego nunha galescola non vai sair sendo un nacionalista nin moito menos, aqui non temos inmersión lingüistica en galego, ese rapaz cando saia á rúa falará castelán ou galego, o que lle pete, vivimos nunha sociedade bilingüe e polo tanto haberá convivencia, eu quero que o dia que teña un cativo éste poida falar ámbalas dúas línguas sen problemas e dende pequeno. Que fales de Franco e a súa ditadura paréceme forte de máis, hoxendia non se pode afirmar que porque se estexa a promover o estudo en galego a tódolos niveis educativos se estexa a impor o galego, o galego como o castelán é a nosa língua e temos a obriga de ensinala e defendela, o galego vai perdendo falantes dia tras dia, isto é un feito constatado e non ten volta atrás a non ser que dende governo se promova unha defensa decidida como se está a facer, no tema das rotulacións en galego pois que queres que che diga, non me parece ben o de Catalunya, o de multar á xente por rotular en castelán, polo tanto aqui tampouco me gostaria, pero si se dan axudas por rotular en galego paréceme ben, sempre que non se multe por facelo en castelán, e iso coido que é algo que non vai acontecer.
Un saúdo
o 2008-04-07 ás 9.45 pm 18.Leco dixo …
Unha vez púxoseme á par nun semáforo un municipal da Coruña e xa pensei que fixera algo mal. Para a miña sorpresa preguntoume onde conseguira o autocolante porque andaba el atás de un e non o daba atopado. Se o pillan…
o 2008-04-07 ás 9.47 pm 19.ruben dixo …
Xa sei q non se esta obrigado a matricular aos cativos nelas, ese será o paso seguinte, os nacionalistas nunca dan un paso atrás, dentro de 10 ou 15 anos serán todas as escolas así.
E ese neno q aprenda na galescola, si lle están todo o dia coa defensa do idioma e da terra e cantando o himno… imporanlle o nacionalismo obligatorio, e seguramente q de outras materias darán menos nivel, asi poderan dicir o sair de ahí o mal q nos trata Madrid.
Ahh, e axudas por rotular en galego xa se dan dende fai tempo, creo q xa con fraga, o cal xusto non me parece, pero bueno, ten un pase, porque se pode dicir q claro, q o galego esta en desventaxa, perde falantes etc etc… ok, pase, pero o de obligar a rotular en galego NON, co da axuda xa o fomentas, pero quen inda asi queira prescindir da axuda pois pode facelo, pero tal como queren facer non vai ser asi, porque se empeza dando unha axuda e se acaba prohibindo en castelan, e como o das galescolas, so é o principio, en 10 ou 15 anos será coma Cataluña, q por certo, as fillas do president Montilla van ao colexio alemán, e para todos os demais… “inmersió”
o 2008-04-07 ás 9.51 pm 20.ruben dixo …
Se o pillan porque?? no seu coche privado pode levar o q lle de a gana.
o 2008-04-07 ás 11.47 pm 21.breogain dixo …
rubén, penso que a túa visión do futuro galego é un tanto apocalíptica, e digo isto cando falas de que agora non estamos obrigados e matricular aos nenos nas galescolas pero si no futuro, e que os han adoctrinar no nacionalismo e no odio a España e por suposto que primará a política por riba do nivel educativo ou pedagóxico, eu sinceiramente non penso asi, coido que é unha opción máis para que a xente que elixa estudar en galego e darlle unha educación galega e en galego aos seus fillos poida ter unha saída que ate o de agora non se tiña.
No tema da rotulación sei que hai anos que se dan axudas, algo meramente testemuñal, algúns concellos e tamén a consellería de educación coido que achegaban algún tipo de axuda económica neste eido, pero cando afirmas que coa axuda xa case se está a obrigar á xente a rotular en galego digo rotundamente que non, ti de verdade pensas que un empresario vai rotula-lo seu negocio en galego se verdadeiramente non está comprometido có idioma ou alomenos minimamente concienciado porque lle dean 1000 euros? penso que non, e sigo pensando ademais que aqui non acontecerá como en Catalunya, a “inmersió” está moi lonxe e coido que non chegará a producirse, vivimos nunha sociedade abertamente bilingüista e iso non pasará, non temos unha burguesia catalanista con moito poder e influente coma teñen os cataláns, non temos unha sociedade tan concienciada coa defensa do propio como teñen eles, aqui o nacionalismo non chegará a cotas tan importantes como alá.
Un saúdo e graciñas por pasarte polo blogue.
o 2008-04-07 ás 11.49 pm 22.breogain dixo …
Leco:
Nunca houbera imaxinado que un municipal andivera con esas historias, e como di Rubén, no seu coche particular pode facer o que lle pete… pero non deixa de sorprenderme o feito de mostrar tal interese..jaja.
un saúdo e graciñas por pasarte por aqui
o 2008-04-08 ás 12.19 pm 23.Ulmo de Arxila dixo …
Ao Rubén muito lle gosta fazer política-fición, arre demo! Mais fixo-me nunha das suas frases:
“O galego perde falantes, pero non se pode impoñer un idioma legalmente xa q é unha decision persoal de cada falante, que decide se usar galego ou castelan, se a maioria decide castelan, pois falaranno, e os q decidan galego falaran galego ¿q lle queres? hai q aceptar a libre decision de cada un”
Desa afirmazón deduz-se que os falantes son unha espécie de entidades totalmente desligadas do contexto social; que o contexto social e cultural non influi para nada na escolla da língua; que unha persoa fala galego ou español porque lle peta, non porque haxa certas dinámicas no seu entorno que o conduzan nunha ou noutra direczón. Eu falei galego desde sempre porque nacin e vivo na aldea, porque meus pais transmitiron-mo inconscientemente e porque no meu contexto non existia o español até há uns anos; mais meus curmáns nasceron e criaron-se na Coruña, un contexto totalmente españolizado, e, en consecuéncia, falan español. O galego era a língua do 80% da populazón no século XIX porque non havia médios de comunicazón de masas, nen educazón obrigatória, etc. Hoxe a situazón é a inversa porque si existen todos eses factores, mais totalmente hexemonizados polo español. Non te enganes nen vivas en paraísos bucólicos, Rubén; a sociedade condiciona todos os hábitos, e por suposto o lingüístico. Non te deixes enganar polo discurso simplón da “imposizón”. O que tentamos, coas galescolas e outros médios, é criar os instrumentos para compensar un pouco a situazón. Máis nada.
E menos apocalipses, hom!
o 2008-04-09 ás 2.55 am 24.ruben dixo …
Pois eu penso q o dos 1000 euros si lle influira, pero bueno, iso ten un pase, vale, pero de ahi querer dar o paso a obligarlle a que sexa en galego hai unha gran distancia.
Ulmo, xa sei que influe e moito o teu contexto, pero si nese contexto cada un fala o q lle da a gana, a xente nova tamen fara o mesmo.
Eses elementos de “compensar un pouco a situacion” son aceptables sempre e cando non sexan elementos de OBLIGACION, senon de promoción / axuda, é como o de dar a axuda polos rotulos en galego ou obligalos, o primeiro é para compensar (pode ser discutible, pero xa vos digo q mal non me parece) pero o 2º é de IMPOSICIÓN.
o 2008-04-09 ás 2.13 pm 25.Ulmo de Arxila dixo …
Rubén,dizes que “si nese contexto cada un fala o q lle da a gana, a xente nova tamen fara o mesmo”. Estás seguro do que afirmas? A xente nova fala o que lle transmiten na casa; posteriormente, o que lle transmiten na escola, na rua, na equipa de futebol na que xoga os domingos… E, como resultado da interaczón de todo iso, acabará tendo unha conduta linguística: ou ben falará unha língua en todos eses contextos, ou ben distribuirá as línguas que fala en funzón do interlocutor, etc. Non é “o que lle dea a gaña”; é o que as circunstáncias lle ditan que deve falar en cada caso en funzón de toda a ideoloxia, a educazón e os prexuízos que lle foron inculcando. Non me digas que nunca viche pola rua verdadeiros casos de “esquizofrénia linguística” en xente que fala cunha persoa que racha cos seus esquemas prévios e que a deixa no máis puro desconcerto. A min, polo menos, pasou-me millóns de vezes.
En todo caso, Rubén, dá-me e impresón de que cando falas da imposizón fá-lo sempre desde unha espécie de “temor a que acabe dando-se esa imposizón”; non tanto no sentido de que “constato que há unha imposizón do galego”. É a miña impresión. Asi que propoño-che unha cousa: dá-me exemplos documentados de xente que se vise obrigada a falar galego ou rotular algo en galego ou falar cos fillos en galego. Dá-me exemplos desa imposizón; pero exemplos sérios, eh? Non o da típica señora que se queixa en español de Puenteviedra porque un rapaz lle pediu a hora en galego. Refiro-me a exemplos sérios. De persoas às que un funcionário lle obrigase a cubrir un impreso en galego; ou dun neno ao que lle obrigasen a falar en galego fóra das aulas de Língua e Literatura Galega; ou dunha persoa à que lle obrigasen a pór na matrícula do seu carro un OU de Ourense… Casos deses. A ver cántos encontras.
o 2008-04-11 ás 1.34 am 26.ruben dixo …
Ulmo:
1 - Teño temor a calquer tipo de imposición, porque aqui xa vivimos a de Franco, e quero liberdade, non imposición DE NINGUN TIPO.
2 - Unha pregunta, por suposto podes facer o que queiras, pero… ¿porque falas unha mezcla de galego-portugues? que iso é o q tamen vexo observando, os intentos de cambiar o galego para diferencialo do castelan, iso non o podo entender, nos temos UN IDIOMA DIFERENTE, q nin é castelan nin é portugues, non ten sentido cambialo, é o froito dunha evolución diferente do latin, o igual que o castelan e o portugues, os 3 son dialectos do latin que foron evolucionando de xeito diferente, principalmente pola falta de comunicación.
Dito isto, por suposto fala como queiras, eu entendote perfectamente igual.
- Obrigados a rotular en galego teremolo pronto, por agora non é asi, non dixen q o fose.
- Agora si, calquer papel oficial que entregues a xunta ten que ir en galego é, iso si que é un exemplo serio, eu penso que deberiase poder entregar en calquera dos dous idiomas.
- Non entendin o de:
“”casos de “esquizofrénia linguística” en xente que fala cunha persoa que racha cos seus esquemas prévios e que a deixa no máis puro desconcerto. A min, polo menos, pasou-me millóns de vezes.”"
o 2008-04-11 ás 9.47 pm 27.breogain dixo …
Rubén
o “caso de esquizofrenia lingüistica” tenme pasado a min mesmo, falar cunha persoa en galego e ao mesmo intre falarlle en castelán a outra que tes ao teu carón, trocar de idioma indistintamente segundo con quén falas, iso non é nada normal pero acontece e moito, sinónimo de que hai un problema e grave de diglosia na sociedade galega…
un saúdo
o 2008-04-12 ás 2.08 am 28.ruben dixo …
Un problema grave de diglosia? Home, para min non é un problema, e moito menos grave, nin creo moito na diglosia que tanto me repetiu a miña profesora de galego durante tantos anos.
Eu si me empezan a falar en galego contesto en galego, inda que normalmente falo castelan, si despois me ven outra persoa falando en castelan contestolle en castelán, eu podo falar en calquera dos dous, non sei cal é o problema.
o 2008-04-12 ás 11.39 pm 29.Ulmo de Arxila dixo …
Rubén, o da esquizofrénia linguística é ben evidente e a pouco que abras un chisco as orelliñas toparás millóns de exemplos. A ver, non é normal que cando estou en Lugo City e unha persoa maior fala comigo en castelán, ao responder-lle eu en galego, esa persoa poña cara de desconcerto e cámbie para o galego sen saber mui ben por qué. Ese desconcerto, en si mesmo, xa é un signo de anormalidade. Porque esa persoa maior, ao ver un rapaz novo da cidade dirixir-se a el, espera que o faga en español; e ao face-lo en galego rompen-se-lle os esquemas todos. E non seria máis prático e normal que esa persoa se dirixise a min xa de comezo na sua língua habitual e se deixase de tanta paranóia? Porque iso é o que há na maioria dos casos: paranóia.
Eu vexo que segues na política-ficzón e non me dás nen un exemplo de imposizón real do galego. O da Xunta? Vou-che contar: há tres anos ou asi fun à Xunta solicitar unha bolsa de investigazón do Ministerio de Educación y Ciencia, con toda a documentazón que nos pediran. Apesar de que o Ministério admite teoricamente papéis en galego, euskara e catalá, a funcionária en cuestión despachou-nos nun perfeito dizendo-nos: “Los papeles los teníais que haber presentado en castellano, después si os la deniegan no os quejéis”. E iso que, como xa sabíamos de qué pé coxeavan, tomamos a precauzón de levar toda a documentazón en impecável español, salvo dous ou tres certificados que nos expedira a Universidade. A funcionária (da Xunta, repito) falou-nos nun perfeito español. Ao igual que o fan a maioria dos da Xunta e da Universidade, etc. E a isto todo como lle chamamos entón? “Imposición del gallego”?
Do da norma ortográfica que emprego non che vou dizer nada, porque estou canso de estar sempre explicando o tema e parece como se tivese de estar xustificando-me constantemente; e era o que me faltava, sinceramente. Simplesmente le un par de livriños de filoloxia e informa-te ben sobre as verdadeiras orixes do galego, o portugués e o castelán, que vexo que tes un pequeno cacao ao respeito. Sempre e cando non tomes esta recomendazón como unha “imposizón”, claro está.
o 2008-04-13 ás 1.30 am 30.ruben dixo …
Pois non sei, eu falo con xente q fala sempre galego e xente que fala sempre castelán, e falanno diante de calquera sin ningun problema nin complexo nin esquizofrenia, pero bueno, non digo que non existan casos nos q non sexa asi.
En canto da xunta, teño entendido que agora so se poden presentar as cousas en galego, o millor logo na practica non é asi, na practica non tiven que facelo, agora si, todos os papeis da universidade son en galego, iso si que o podo asegurar, polo menos na universidade de vigo.
En canto a norma ortografica que empregas, non tes que xustificarte de nada home, fala como queiras, faltaria mais, xa che dixen que por suposto podes facer o que queiras, eu non son ningun dictador para dicirlle a nadie como ten q falar/escribir, era o q me faltaba, eu non son deses.
E non, unha recomendación non é unha imposición, oxala recomendase o bng q os comerciantes rotulasen en galego, o malo é q non quere recomendar, quere obligar.
Eu o que teño entendido das orixes dos idiomas latinos, é que os romanos conquistaron toda a peninsula iberica e impuxeron o latin, e despois en portugal e galicia evolucionou de forma diferente q no resto de españa principalmente pola falta de comunicación.
Estas semanas estou moi liado, pero xa me informarei mais, a min gustame informarme de todo e falar con todo o mundo, sempre q sexa nunha actitude dialogante.
Un saudo!