Actualidade 23 Abril 2008
¿Ti que marcarás na casilla de “asignación tributaria”?
Hai dias que me chegou o borrador da declaración da Renda 07 por correo, supoño que moitos de vós tamén estaredes có tema estes dias, e quizais tamén estexades na dúbida de cal das dúas casillas de asignación tributaria marcar, a 105 (igrexa católica) ou a 106 (fins sociais) No meu caso téñoo meridianamente claro, principalmente porque a Igrexa Católica penso que xa ten ingresos dabondo como para axudarlle có meu 0.7 %, eles andan inmersos un ano máis nunha campaña informativa có obxectivo de concienciar aos declarantes traballadores para que lles axuden a financiarse, entendo perfectamente que fagan esta campaña para implicar aos cidadáns católicos no sostemento da Igrexa, o que xa me custa máis de entender é que logo gasten os cartos recadados investindo en Gescartera, en infinidade de empresas que cotizan na bolsa española -incluida a galega Zeltia- ou por exemplo nos laboratorios que fabrican a famosa Viagra da que eles tanto renegan. A Igrexa Católica non pode ser unha entidade con ánimo de lucro, e máis cando hai pouco fixeron públicos os novos pecados sociais entre os cales está o de "no te enriquecerás hasta límites obscenos a expensas del bién común", polo tanto ao meu modo de ver, eses cartos ben os podian empregar en restaurar igrexas, que por Galiza temos a barullo e na súa maioria están a caer, pero non, para iso pedímoslle axuda á administración de turno, ben sexa Xunta ou Governo Central, para que acheguen os cartos, pois non señores, os governos, ou alomenos o galego e español, deberian facer gala do seu laicismo e non soltar un can, para iso xa teñen vostedes os cepillos e as xenerosas doazóns que reciben de moitos particulares preocupados pola súa fe, agora ben, sempre ficará a posibilidade de marca-las dúas casillas e reparti-los cartos para ámbalas dúas opcións, iso xa é cousa de cada quén.
Hai señor, señor !!!
chuzame -
o 2008-04-23 ás 3.49 pm 1.Andrés Milleiro dixo …
100% dacordo
o 2008-04-23 ás 5.00 pm 2.Fernando dixo …
Curioso lo de la viagra, es vergonzosa y muy hipócrita la campaña de la iglesia católica para seguir financiando sus proyectos financieros a base de incautos (o no tanto). Aun así, estoy de acuerdo en que cualquiera puede ayudar a financiar su (o una) religión o a sus representantes en la tierra (que es bastante diferente, de esto no cabrán dudas). Pero lo que me parece más vergonzoso de todo, es que haya esta opción en un sistema de impuestos “democrático”. Sin más creo que cualquier acción social que pudiera desempeñar la iglesia, debería ir incluida en la casilla 106.
o 2008-04-23 ás 6.20 pm 3.Loli66 dixo …
considero que calquera relixión é unha gran mentira ou polo menos o son as persoas que as dirixen. son lobos coa pel da ouvella posta por enriba.
e por suposto as súas riquezas son unha vergoña.
e por suposto que nom lle dou ni un penique.
eles nom nos axudan a nós e ai moita xente, que precisa axuda e nom precisamente para a sua ialma…
o 2008-04-23 ás 10.55 pm 4.deisler dixo …
A min persoalmente non me molesta que haxa unha casilla coa opción de axudar a alguen (chamese Igrexa,fundación,asociacion, ou o que sexa…)
Precisamente por iso, porque é unha opción e non unha obriga…
Eu non a marcarei ,pero cada quen que faga co seu diñeiro o que quera,é asunto seu…mentres non haxa imposicions, non me peocupa.
o 2008-04-24 ás 8.24 pm 5.Mariam dixo …
¡Coa Igrexa topamos! Ben, cadaquén pode facer o que queira, está no seu lexítimo dereito. Non me gusta xulgar nin que me xulguen, neso xa son expertos os curas.
A min, particularmente, non me gusta a institución “Igrexa”. A curia, os curas, pensan que eles son os únicos depositarios da mensaxe de Cristo e iso si que non o aturo. Non me estraña que a Igrexa cada vez perda máis peso nas sociedades desenvolvidas. Foron moitos anos de “comedura de coco” e a xente acabou farta. Tampouco entendo o do recadro da asignación á igrexa católica na Renta cando, creo recordar, o noso é un estado aconfesional. ¿Por qué non hai un recadro para a axuda o sostemento da relixión musulmana, ou budista, por exemplo? Definitivamente, estado e relixión deberían ser entes completamente separados. Unha cousa é a administración do país e outra cousa son os temas do espírito e da fe. Non coñezo a dimensión real da obra social da Igrexa, que supoño que existirá, pero vou contar un anécdota que me sucedeu fai anos.
Un día fun recoller o meu primeiro coche, un modesto Ax, ó taller. A Citroën estaba daquela ó lado da Volvo. Ía eu camiñando pola rúa cando vin que da Volvo saía un coche deses impresionantes. Ó irse incorporar á circulación o condutor, moi amable, cedeume o paso a min. O Volvo conducíao un cura, supoño que sería do arcebispado. Tamén hai cousa duns dez anos, vin coma o cura dunha parroquia rural dos arredores de Santiago apareceu cun Audi A4. Ese non era do arcebispado, era seu. Era o mellor coche que se aparcaba diante da Igrexa. Conclusión: predicar no púlpito debe ser relativamente sinxelo, predicar co exemplo… é ¡outra cousa! Paréceme completamente intolerable, dende un punto de vista ético, que o clero se pasee en coches de alta gama. Un pouco de coherencia, ¡por Deus!. Eu tampouco vou sinalar o recadro, non me fío da administración dos monseñores.
o 2008-04-25 ás 3.29 pm 6.breogain dixo …
cada un é libre de axudar a quén entenda que o precisa máis, ao meu modo de ver a igrexa acumulou riquezas ao longo de anos e anos de aproveitarse da xente, senón como é posible que teñan unha carteira de inversión tan diversificada como teño ollado nalgunhas web’s, como é posible que teñen banca vaticana, radios, televisións e demais… penso que non precisan do meu 0.7% que prefiro darlle ás O.N.G., inda que despois do tema daqueles nenos e a O.N.G. francesa a xente poida desconfiar algo, prefiro darlle-los meus cartos á Cruz Bermella ou Organizacións Non Gubernamentais que cooperan con África ou outras zonas desfavorecidas do mundo que darllo á xente que renega do uso do condón e con ela contribúe á propagación do S.I.D.A en moitos paises africanos.
Un sáudo a todos