Comentarios en Concerto dos “Luar na lubre” en Pontevedra

Por: breogain

breogain — Sat, 30 Nov 2002 00:00:00 +0000

Traveseiro

Descoñecia esa anécdota tan simpática, non me estraña nada, como semellante “artefacto”, metelo no bus tiña que ser todo un espectáculo..

Un saúdo

Por: O Traveseiro

O Traveseiro — Thu, 30 Nov 2000 00:00:00 +0000

Como anécdota comentar que na Coruña a Rosa Cedrón lle chamaban “a rapaza do 14″. Ese era o número de liña do bus urbano que collía ela habitualmente, e para subirse tiña que entrar por unha porta traseira para mete-lo violonchelo, que ocupaba o seu no bus.

Por: breogain

breogain — Thu, 30 Nov 2000 00:00:00 +0000

Que sorpresa Raqueliña, hai cantos anos que non coincidíamos por ningures, efectivamente lémbrome daquela experiencia de sair pitando para o Bierzo a levarlle-las bandeiras de Galiza a Bieito porque precisaban delas para ese festival no que ian tocar no Québec, aquel concerto foi unha experiencia inesquecible e coñece-los en persoa moito máis, tampouco podo esquecer aquel povo de Quiroga (Lugo) ao que me levaches. Graciñas por te pasares por este blogue a deixa-lo teu comentario, eu hoxe tiña pensado ir á oferenda a Alexandre Bóveda e mailo concerto pero agora mesmo teño as dúas cousas no aire e coido que non poderei ir por compromisos familiares, unha mágoa, porque desfrutar dos Luar na Lubre na casa non é cousa que se repetirá en moitas máis ocasión, nembargantes tentarei estar.

Por certo, para quen non a coñeza, coñecín a Raquel hai unha chea de anos na primeira canle de música celta que houbo en Galiza, daquela no archicoñecido MIRC, despois compartimos uns cantos festivais de Ortigueira con máis folkies de todo o Estado Español e chegoume a presentar aos Luar na Lubre en persoa, é máis, a letra dunha das súas cancións foi composta por ela, na actualidade ten unha web de música galega que supoño teredes ollado nos meus favoritos, chámase Ghastas Pista? e é posiblemente a web de música galega máis coñecida que hai na rede

http://www.ghastaspista.com/grupos.php

Un bico Raquel

Por: A amiga que chos presentou ;)

A amiga que chos presentou ;) — Sun, 30 Nov 2003 00:00:00 +0000

Que ben lembrar aquela noite de “bandeira”………

Vémonos na praza!!

Por: breogain

breogain — Mon, 30 Nov 2009 00:00:00 +0000

eu tentarei pasarme, pero mañá segundo contan o dia semella que vai estar bo, xa veremos que pasa.

un saúdo andrés

Por: Andrés Milleiro

Andrés Milleiro — Sun, 30 Nov 2003 00:00:00 +0000

Haberá que ver se chove, porque se chove eu non vou