graciñas polas ligazóns, xa estiven botándolle unha ollada e mete medo o que pretenden facer nese grande terroa a rentes do mar, unha monstrosidade máis de tantas, douscentos ou trescentos chalets de súpeto que modificarán a orografia da zona para sempre, por suposto haberá que dotalos de tódolos servizos, terán que construir unha depuradora de augas residuais, recollida de lixo e demais….para que 11 meses ao ano estexa deserto completamente.

en fin, ¿será éste o custe do progreso, é isto o que nos deparará o futuro e este turismo que algúns arelaban desesperadamente?

Un saúdo

Atopei estas 2 ligaçons já há tempo, falavam da urbanizaçom em Festinhanço, um autêntico atentado violento contra o meio e umha operaçom que bordeia os límites da corrupçom.

Isso sim, rumoréa-se que nom vam ser quem de rematar a obra debido à crise. Pode ficar um monstro sem construír, como em Minho.

Obrigado, Breo, sempre apontando interessantes datos no teu blogue.

Saúde e Terra!

En primeiro lugar graciñas por te pasares por aqui e por deixa-lo teu comentario no blogue.
Eu tamén escoitei as declaracións de Mosquera falando do “efecto acuario” e antóllaseme unha parida en toda regla, agora, haberia que saber como se tiña previsto facer iso, porque non creo que sexa tan inxénuo como para non deixar pasa-las piraugas e demais por debaixo, as mesmas que na ponte dos tirantes pasan xustiño cando hai marea viva, polo demais coido que esa ponte ha resolver problemas de tráfico, como ben apunta Ramiro Pereira esa zona, pola que tamén eu paso case a cotío, é unha das de tráfico máis denso do perímetro exterior da cidade e unha zona onde comezan os embotellamentos precisamente de xente que quere cruza-lo rio, supoño que o paso seguinte será o de facer peonil a ponte romana do burgo, neste caso véxoo ben porque o tráfico rodado seguramente perxudica e moito a súa conservación e estamos a falar dun monumento dos máis sobranceiros da nosa cidade.
No tema do botellón non estou para nada de acordo contigo, hai que concienciar á xuventude do grave e perxudicial que é o alcol e o seu consumo excesivo,esas charlas e cursos están moi ben, pero tamén hai que resolve-lo problema social e de salubridade que conleva o seu consumo na rúa, polo tanto o de controña-lo botellón é unha medida atinada no meu ponto de vista, sexamos serios, ¿vai se-lo Concello de Pontevedra o primeiro en rematar có botellón? verdade que non, pois entón medidas paliativas coma ésta de leva-lo para os arredores da cidade, nunha zona que estará controlada pola policia e na que se poderá doadamente recolle-lo lixo semella unha medida perfectamente seria e rigorosa, vamos digo eu.

No tema de Tafisa xa o comentei con Jorge ou con Sísar, non me lembro agora, aquel solar é impresionante e agardo que fagan nel algo con tino e respectando sempre o PXOU de Pontevedra, se vai a ser unha urbanización con zonas verdes e dacordo coa lei non o vexo mal, senón tamén haberia logo que tirar abaixo o edificio este de 7 alturas que hai a man dereita no paseo cara a Monteporreiro, ese que xa se levantou en tempos dos anteriores governos “populares”.

Un saúdo a todos

Segundo, a ponte das correntes tes que pensar na zona onde vai estar ubicada, se mal nom recordo perto do cuartel da guarda civil e de bombeiros nunha parte, e esta zona se ti pasas em carro habitualmente te daras conta que ahi é onde se comeza formar as caravanas, e que muita xente que vai a marin, campolongo, vigo, a parda etc etc poderán circular por il sem ter que ir ate a ponte dos tirantes, entom solucion si que da. Nom obstante estou dacordo contigo que em Pontevedra se precisa melhorar ainda muito máis a circulaçom, mas é um pequeno paso. Na zona da rotonda do pino coas novas obras, eu que vou por ahi dende fai tempo tudos os dias a trabalhar as 7:30 da tarde ou 8 melhorou muitisimo, entón ha que ter um pouco de paciencia, e deixarse de tonterias como as de Telmo de fascer em orilha mar um paso subterranio ou um “metro” de cercanias em Pontevedra, em tudo caso haberá que melhorar o transporte urbán, ainda que a xente o seguirá sem colher.
A cidade trocou o 100% respeito fai 8-10 anos, ha mais turistas, o aspecto melhorou um 300%, so ha que escuitar a gente que ven de fora escuitar o que di assim que tampouco critiquemos por criticar.

Tambem se bem é certo agora ha que melhorar outras cousas para a gente da cidade,e nom fascer tudo para os de fora. E mira eu nom quero que telmo converta Pontevedra coma em sanxenxo, umha vila para os turistas, um porto para os ricos e aniquilar umha praia como a que ha alí, ademais de ser um gran especulador, e cho digo de primeira man.

Por último so dizer que a foto o di tudo.

GALIZA NOM SE VENDE!

Um saudo marta.

Razón non che falta, o que están a facer na ladeira do monte da Caeira tamén é unha barbaridade, eses chalets que semella estarán pendurados dunha parede vertical meten medo, agora do que falas da Coca-Cola non acabo por darme conta, ali están a facer uns edificios, algún chalet e unha zona verde, pero tampouco é un atentado urbanistico, é parte do casco urbán de Poio, a Coca-cola e o Pazo de Ferreirós tampouco están tan mal integrados na paisaxe non..?

Por certo, a foto é de Greenpeace e non miña, está publicada na súa web nun apartado de atentados urbano-paisaxísticos na costa.

Un saúdo

Jorge, en Pontevedra tamén se darian licenzas urbanísticas pero polo de agora de barbaridades as xustas, iso si, inda estou por ollar como ficará todo o tema de Tafisa, iso si será unha obra importante e agardo que non sexa unha “mole”.

Foi gracias ao canon que impuso aos constructores.

Hai unha diferencia entre tratar de ser bo alcalde e outra en selo de verdade.

Opino o mesmo ca ti; con argumentos debatir é o máis bonito dos Blogs.

Unha aperta.