Benvido a estas páxinas, coido que éste é o teu primeiro comentario no blogue, como ben apuntas é unha data horrible e que nos lembra o peorciño do ser humán, pero non por iso ten que ser agochada, estou contigo ao afirmar que os “media” aliméntanse destas novas para facer caixa e empregan o morbo para gañar audiencia, a miña intención non é esa nin moito menos, un blogue é unha ferramenta persoal para amosa-las vivencias de cada un e ésta foi unha máis na miña vida, cada vez que me lembro dela penso no que fixen aquel dia e venme á cabeza a tristura que invadia á xente ao ollar aquelas imaxes.. polo demais estou contigo en que non hai que darlle máis voltas e ollar cara adiante.

Un saúdo e participa cós teus comentarios cando queiras

E no tema de que Barak Obama polo feito de ser negro vaia muda-la concepción que temos dos norteamericanos ou mesmo a súa política de cara ao exterior, pois non o sei, por suposto que o feito de ser negro non ten nada que ver Ulmo, pero coido que terá algo máis de “tacto” ou se cadra “man esquerda” que a anterior administración Bush para supera-los problemas (xa no digo económicos) de política exterior que se lle presentarán, non todo é mandar tropas e bombardear aló onde haxa intereses estratéxicos, chámalle gas ou chámalle pretróleo…. ou senón alomenos confio en que o famoso “change” chegará algún dia.

Un saúdo

Saludos