A ponte vella

Non sabia eu que un cocheciño de bebé daba para facer cousas coma ésta, claramente tereino que probar có meu nos paseos dominicais polo fermoso casco vello que temos na nosa cidade, bravo polo autor deste video que me sorprendeu gratamente hai uns cantos dias.

Ollado no blogue de Andrés Milleiro, son pesado, xa o sei, pero este home é unha mina.

De los creadores de Andrés milleiro. info, trebellos, eu tamén son aduaneiro, tortilla de patata (a medias con Manuls) ou foro galiza llega a sus pantallas.... ¡¡verbas !!

Pois trátase dunha nova web, proxecto, idea ou chámalle X do blogueiro pontevedrés e amigo persoal Andrés Milleiro, esa cabeza pensante que nunca descansa, como o fulano este do anuncio de cervexa que conta calorias e tal, pois unha cousa semellante, o seu maxín sempre está fervendo na pescuda de novas movidas que facer ou inventar, desta volta verbas ven sendo, pois non saberia exactamente como definilo, -Andrés, se tes a ben pasarte por aqui podes explicalo ti mesmo-, vamos, unha web na que postea todas as súas paranoias, inquedanzas ou movidas varias que se lle ocorren, as cales non son poucas.

Pois nada, somentes queria avisarvos de que unha nova web de Andrés anda pola rede, podédela ollar en http://millei.ro/, eu pasóme de cando en vez que sempre colga algún video musical interesante ou algunha montaxe fotográfica simpática e boto unhas gargalladas.

Sorte Andrés, e xa sabes, cando veñas débesme unha birra

Supoño que non serei diferente a moitos de vós, teño o costume de cando estou no baño afeitándome prende-la radio para escoitar un chisco as noticias, adoito facer isto ao redor das sete e media da mañá máis ou menos, pois ben, o pasado sábado dia 24 de xaneiro deume por sintoniza-la COPE, porque para estar informados cómpre escoita-las dúas versións dunha mesma actualidade, estaba eu escoitando o informativo de Jimenez Losantos -ese home que ten pleitos coa xustiza- cando falou do famoso cheque-bebé, e un servidor como sabedes vai ser pai en breve, a finais de marzal para sermos máis exactos, pois iso, que nestas escoito iso e súbolle o volume á miña radio cutre de H.S. for men para escoitar con claridade do que falaban.

Entre que eu estaba inda estaba medio sopa e que o tio ese dalle máis voltas que un trompo a todo, pareceume escoitar que falaban de que ian retira-la axuda do chamado cheque-bebé neste 2009, que se os sindicatos falaban de que era algo prescindible, que con esta crise galopante que estamos a viver a Axencia Tributaria non se podia permitir un despilfarro de 1233 millóns de euros anuais, en fin, que xa coidaba que era verdade ese bulo que leva dende o pasado ano dando voltas pola rede e asegurando a súa inminente retirada. Reposto do inicial sobresalto comenteillo á miña muller, a cal aseguroume que efectivamente, nas clases pre-parto lle comentaran que o ian retirar, que llo escoitaran asegurar a fulanito de tal, vamos, máis intranquilidade se cadra, xa seria unha tremendísima putada que a primeira axuda estatal que vou receber na miña vida a vaian a retirar un mes antes de ter dereito a ela, ¡¡ joder, que cruz a miña !!, acto seguido póñome a pescudar pola rede información de todo iso e atopo unha  nova tranquilizadora..

“Es una Ley, no una cosa que pueda quitarse de la noche a la mañana”

Es imposible que la ayuda de los 2.500 euros por hijo desaparezca de buenas a primeras”. De esta forma tan contundente se expresó estos dias una portavoz del Ministerio de Trabajo y Asuntos Sociales ante el rumor, cada vez más extendido, de que el Gobierno planea eliminar el conocido como cheque bebé en el 2009 por culpa de la crisis económica.
Este “bulo”, como lo califican fuentes gubernamentales, ha crecido sustentado por la “ignorancia” de la gente y se ha expandido rápidamente gracias a internet, donde en numerosos foros muchos ciudadanos se han hecho eco de este rumor.

Asi que quixera tranquilizar a tódolos que estexades na miña mesma situación, as cousas pintan mal, todos o sabemos, pero polo de agora non tanto coma para retirar esta importante axuda coa que contamos, nin esta nin tampouco a axuda dos 100 euros mensuais ás nais traballadoras, non estamos á altura das axudas sociais que dan governos coma o alemán pero alomenos temos algo, a povoación galega e española son das máis envellecidas do mundo, se queren fomenta-la natalidade a retirada destas axudas non serian unha boa medida en absoluto, e menos agora en época de eleccións, alomenos en Galiza e Euskadi.

Hai xa varias semanas que recibín un correo flick-r moi especial, tratábase de Emma J. Williams, a Managing Editor das Schmap Guides, que ven sendo unha web con guias e cartografia para G.P.S. sobre capitais do mundo enteiro, ben, pois como dicia, o outro dia remitiume un correo có obxecto de incluir na súa web, unha das fotos que saquei o pasado verán nas miñas vacacións na capital de Irlanda, despois de recuperarme da impresión inicial ¡¡vaites!! ¿solicitan unha foto miña para incluila nunha guia turística? contesteille a Emma no meu inglés de andar por casa, pero que en Dublin axudoume moito para pedir pintas nas tabernas e tiquets nos museos.

Facede click no mapa para olla-la captura da web a maior tamaño.

A foto en cuestión é a que podedes ollar aquí na miña galeria de Flick-r, supoño que seria elexida pola textura das súas cores, polo simboloxismo do lugar ou polo modelo paisano que posa todo orgulloso có mapa de Dublin na man, máis que nada para non perderse na zona do Temple Bar, que ven sendo o casco vello da capital de Irlanda. Pois nada, queria compartir con todos vós este intre de ledicia e regocixo persoal, menudo agasallo para comeza-lo ano o desta guia, por certo, a foto foi sacada pola miña muller, asi que pensándoo ben, ela é a verdadeira artífice desta (coido que) fermosa foto.

Thank's Emma, best regards from Pontevedra in Galicia.

¿Coñecedes a Andrés Milleiro?, si home si, ese veciño noso emigrado a Salamanca para estudar e formarse un futuro prometedor, pois estes dias estivo de actualidade por partida doble, ou máis ben diria que triple, paso a explicarme de seguido:

O outro dia estaba a botarlle unha ollada ao videoblogue de Anxo Quintana, -sobran explicacións posto que todos e todas ben sabedes quén é- e toquteando por aqui e alá atopeime con isto, o amigo Andrés interactuaba có vicepresidente da Xunta e preguntáballe pola súa opinión encol das novas tecnoloxias, ao cal Anxo Quintaba respostáballe aqui dias despois, sorprende e moito que un político se achegue tanto á cidadania, porque unha cousa é un blogue, como tamén ten Telmo Martín, e outra moi diferente un vblogue no que falas directamente có internauta que che interpela. Uns dias despois, e por se fora pouco, consultando a web de Caixa Galiza atopeime con unha entrevista a outro coñecido meu.. ¡¡ pero que coño!!, se é tamén Andrés Milleiro, ¡¡ tio, estás en tódolos lados !!, pois nada, xa non quero ser pesado e paso de comentar que o outro dia tamén che deron xunto con Manuls, outro blogueiro pontevedrés, o premio Bitácoras ao mellor podcast do Estado, non quero mencionalo non vaia a ser que a xente pense que falo de ti ou que teño algún tipo de fixación obsesiva-compulsiva contigo, que eu estou casado e son un tio ben serio.

Pois nada, fica aqui a miña pequena homenaxe persoal a Andrés Milleiro, un veciño de Pontevedra, granate e ademais amigo persoal e padriño nisto dos blogues de quén vos escribe estas liñas,

Este post está patrocinado, foi sufragado polo interpelado sen o seu coñecemento, o cal a partires da data deberá abonarlle a un servidor alomenos dúas cervexas, as cales faranse efectivas a partires do 20 de nadal en calqueira cervexeria da nosa cidade, preferentemente no Mariscal, O Grifón ou mesmo no Revira.

Actualizado a 12/12/08: Hoxe mesmo entrevistaron a Andrés en Blogoff, se tedes curiosidade en saber algo máis del non vos perdades o audio que acompaña a ese pequeno artigo, dende as montañas de Kandahar e cós soniquetes do messenger de fondo, o amigo Andrés cóntanos via móbil como facer un blogue ou un podcast, tamén do fantástico proxecto GalizaID.

Polo que semella un novo xornal vaise unir á chea deles que temos nos nosos quioscos, supoño que xa vos dariades conta desa campaña que se está a desenvolver en radio e internet da xente de Xornal de Galicia, nela apelan á nosa historia dunha maneira simpática e desenfadada, empregando como gancho na súa web a dúas caras galegas coñecidas, Antón Reixa e Iolanda Castaño (a mesma que chapou a web de Aduaneiros sen Fronteiras), aqui déixovos có video que máis me gusta dos tres, o dos Irmandiños, sempre tiven debilidade por eles, moitos din que Galiza non é outra Escocia porque eles guindaron abaixo tódolos castelos e torres (a miña muller é unha delas), outros din que os labregos e labregas galegos foron os primeiros en desafiar aos señores feudais e os seus abusos, quédome máis ben có segundo.

Hai tempo que publicaron unha nota de prensa en galego e castelán no que anunciaban a súa saída, nela remarcan que o xornal estará á defensa dos intereses de Galiza, vamos, como din tódolos políticos, e que está impulsado pola empresa pontevedresa (afincada en Madrid claro) San José. Resta por coñece-la liña editorial e lingüistica deste novo xornal, porque diso non din ren, ¿será en galego?, ¿será en castelán? ou cecais ¿será bilingüe? -que hoxe é o politicamente correcto pero que de seguro non venderia exemplares- non lle vexo eu futuro a un xornal en dous idiomas, de tódalas maneiras, se procurades algo máis de información na web www.retrasocero.com non a ides atopar, ou alomenos non polo de agora, pero agardo expectante a súa saída, a ver se de verdade é tan plural e independente como anuncian.

Un visitante deste blogue enviume estas dúas fotos hai cousa duns dias, semella tratarse dun novo radar, ou máis ben dunha nova forma de ubicar os rádares nas estradas e autoestradas, polo de agora e despois de pescudar en varios foros non puiden constata-la súa existencia, pero de ser certo, supoño que en breve entrarán en funcionamento, porque en temas de recadación á D.X.T. non hai quén lles gañe, e o incremento das multas por exceso de velocidade neste último ano é unha boa mostra delo, outra cousa é que, por exemplo, como saiu publicado en diversos xornais, somentes reinvistan na nosa coumunidade unha mínima parte do que ingresan por estes medios.

Polo de agora aqui tede-las fotos que están circulando por internet, pode ser un mail-broma deses ou pode que non,  se ate o de agora procurábamos fixarnos nas caixas brancas ao carón do asfalto, agora con esta nova inventiva a cousa semella un pouco máis dificil, polo tanto e como dicia aquela canción..

¡¡ Precaución amigo conductor !!!

Ou alomenos o primeiro que coñezo e que se actualiza con relativa frecuencia, souben da súa existenza hai cousa dun par de semanas, cando empregou (previa petición) unha das miñas fotos para ilustrar un artigo no que, coma fixera eu no seu dia, denunciou a presenza de vehículos dun concesionario de Poio estacionados en plena estrada PO-308, diante precisamente do Casal de Ferreirós e provocando molestias aos veciños, aos cales impiden a normal visibilidade nese entronque.

Polo que puiden ollar na súa páxina de presentación, O ferreiro, que así é como se chama o blogueiro de Poio, comezou este proxecto có fin de dar a coñece-los problemas do lugar onde reside, a populosa urbanización do Pazo de Ferreirós, un lugar emblemático no desenrolo urbanístico da vila de Poio, pois foi construida hai catro anos convertíndose na primeira obra de envergadura que se realizou nese pequeno concello, o cal comezaba daquela o seu despegue urbanístico e agardemos que tamén económico e social. O  Casal de Ferreirós por senón o coñecedes é oficiña de turismo de Poio á par que sala de exposicións e de conferencias ubicada á entrada da urbanización, un edificio moi fermoso (podédelo ollar na cabeceira da web municipal) que foi magnificamente reconstruido hai anos e que vos recomendo visitar cando poidades.

Pois nada, dende A ponte vella non me queda outra que parabenizar esta iniciativa por parte de O casal de Ferreirós e darlle-la benvida ao blogomillo pontevedrés, agardo que teña sorte e sexa punto de debate da actualidade de Poio, que polo de agora semella inda estar espertando nisto da internet.

Pode que xa coñezades esta web que foi presentada hai un par de semanas na nosa cidade, concretamente nun acto na Casa das campás, no casco vello pontevedrés, pero por se acaso non sabedes nada do tema achégovos esta nova. Trátase dunha web ou portal cultural con unha chea de información de actividades de todo tipo a desenvolver na nosa cidade, navegando un pouco por ela estes dias puiden atopar información de concertos, de teatro, ou de cinema, a súa navegación é bastante sinxela e tedes cumprida información con datas e horarios de moitas das actividades que se han desenrolar en Pontevedra de aqui en diante, para a xente que coma min, non podemos botarlle unha ollada ao xornal tódolos dias é unha axuda imprescindible contar cunha web destas características, asi que xa sabedes, poñédea nos vosos favoritos e estaredes ao tanto de todo o que se move na nosa cidade, sobre todo este verán que ven cheo de concertos e actividades varias para non parar en todo o dia.

A súa url é www.pontevedracultura.org, e por certo, non vaiades pensar que teño algo que ver con eles, nin moito menos, o meu é altruismo puro e duro, somentes quixen compartir con vós esta información que coido é sobradamente importante para calqueira veciño da nosa cidade con "inquedanzas" culturais.

Pois nada, redundando unha vez máis no tema, e por se alguén inda non está ao tanto, o vindeiro venres dia 13, e a iso das 20:00 horas -supoño que un servidor chegará un chisco máis tarde- na cafetería Hippo da nosa querida Pontevedra, terá lugar o que uns deron por chamar a 1ª Xuntanza Planeta Pontevedra e outros demos por chamarlle a II beers&blogs Pontevedra, ao final tanto ten un nome coma o outro, pero eu case que me quedo có segundo, por aquilo de tomarlle unhas cervexas e algunha tapiña se cadra falando dos nosos blogues ou de calqueira cousa que nos pete, como rajar dos políticos locais, falar da folga do transporte ou da 65 horas semanais, xa veremos que acontece.

O dito, mañá dia 13 de Xuño do 2008 ás 20:00 horas, o blogomillo/blogosfera pontevedresa está chamada a está xuntanza na cafeteria Hippo para coñecernos e falar de cote, no meu caso será a primeira xuntanza blogueira á que vou asistir, asi que algo cortado estarei, pero non hai problema posto que xa teño un par de puntais de colegas, Andrés Milleiro e Manuls, dous "granates" coma min e residentes en Pontevedra que tamén asistirán a tan "magno" evento.

Dende o dia de onte A ponte vella está adherida a Blogues pola língua, unha iniciativa do blogomillo (a blogosfera galega) en defensa do galego e que tenta ser unha rede de acción conxunta que de forma cívica conciencie a tódolos galegos e galegas que defende-lo noso idioma é defende-la nosa cultura, o noso patrimonio de hoxe e de sempre, o cal non estamos dispostos a que desapareza no futuro. Polo tanto neste 17 de Maio, o dia das nosas letras, sumareime a esta iniciativa conxunta promovida por blogues pola língua, un acto que consistirá en redactar unha entrada conxunta entre tódalas bitácoras adheridas e así facer un chamamento a tódolos galegos e galegas para que defendan o seu idioma e non se mostren indeferentes ante a actual situación de acoso (por parte de algúns) que vive a nosa fala.

Que non nos leven a enganos, aqui o idioma maltratado foi e segue sendo o noso e temos todo o dereito do mundo a defendelo e desfrutalo, o idioma non pode ser unha arma arroxadiza nin moito menos política, o galego é o que é, o noso idioma, o noso vínculo con esta terra, e para todos nós é unha obriga defendelo, o noso idioma é unha herdanza que recibemos e non podemos malvendela, temos que respectala, mellorala e por suposto deixala en herdanza aos nosos fillos.

Na túa man está defende-lo galego.

Que mellor intre para recibir un premio que cando estamos a piques de cumprir un ano de vida, semella incríbel pero é certo, este pequeno recuncho que lle dimos por chamar A ponte vella ten xa unha boa panda de parroquianos, e entre eles un que estivo disposto a alegrarnos o maldito luns cun premio tan prestixioso como o Brillante Weblog 2008 que por suposto recibemos de bo agrado.

A persoa da que vos estou a falar non é outra que Paulo e o seu blogue An Fianna, un lugar adicado ás culturas galega, castrexa e celta por extensión, un obrigado lugar de parada e fonda para todos aqueles, que coma min, están interesados pola nosa cultura de raigame nun amor que traspasa o terrenal e achégase case ao espiritual, un magnífico lugar para beber un grolo da mellor música folc galega ou bretona, para desfrutar coas historias sobre Irlanda ou coñecer datos e curiosidades de viaxes ben documentadas con magníficas fotografias. 

Sabedor que receber este premio implica unha serie de compromisos, entre os cales están os de nomear a outros sete blogues que ao teu modo de ver destacan polos seus contidos ou deseño, -ademais de avisarlles que reciberon o premio, mostralo no meu blogue e facer unha ligazón ao seu blogue agradecéndolle o mesmo- aqui van os meus:

1. Andrés Milleiro blog, que podo dicir deste home, gran informático e mellor amigo, sen a súa inestimable axuda e mailos seus consellos non estaria aqui hoxendia, máis que nada porque foi el quén me convenceu de meterme nestas historias, hai pouco que comezou con outro blogue, éste en galego.

2. Beber para olvidar Un dos primeiros blogues de Pontevedra que coñecín e polos que me paso case a cotío para informarme da actualidade da miña cidade, sempre ao dia coa mellor información local e na xornada dominical con fantástica música na que moitas veces coincidimos.

3. Vides Novas Un modesto blogue para unha grande persoa, moitos de vós non o coñeceredes, pero Mundo, o seu autor, é un traballador incansable a prol da nosa música tradicional, director da Agrupación Folclórica Vides Novas de Poio, sempre está disposto a botarlle unha man á mocidade da parroquia e ése é un dos principais motivos polos que fixo o seu blogue, un dia destes falareivos máis polo miúdo del.

4. Blog de César Abal inda que estexamos nas antípodas nos nosos prantexamentos políticos, gústanme as reflexións que sobre a política local fai César dende o seu espazo na rede, sempre crítico có governo actual (cando hai motivos claro) axúdame a ollar ás veces a outra cara das noticias, e estaredes conmigo que a disparidade de opinións é precisa.

5. Radio Macuto outro dos blogues máis antigos que visito da nosa cidade, Luis ven sendo un emigrante retornado á Pontevedra, no seu blogue fálanos de calqueira cousa, comezando pola actualidade local e rematando por consellos de farmacia, todo ten cabida nese recuncho da rede.

6. Innisfree1916 o blogue de Chesús Yuste, un lugar que toca a miña fibra sensible dende hai xa uns cantos meses, Irlanda en estado puro, historias, actualidade, música e fotografía, unha fantástica páxina para visitar e desfrutar da marabillosa illa esmeralda dende a visión persoal deste aragonés de pro.

7. O Traveseiro como ben define o seu autor, unha visión atravesada do reporte rei, un lugar que como bo afeccionado ao fútbol non podo deixar de visitar, unha visión persoal do balompé e de todo o que lle rodea.

Pois isto é todo, noraboa aos agraciados e a seguir traballando duro como ate o dia de hoxe, a seguir facéndonos desfrutar cós vosos relatos, coas vosas historias e coas vosas fotografias, porque se para algo serve o feito de ter un espazo coma éste é para compartir experiencias e inquedanzas cós demais, para compartir ledicias e tamén porqué non penas, porque compartindo facémonos un pouco máis ricos cada dia que pasa.