A ponte vella

E que incomoda a algúns neste pais, a algúns como ao ¿sindicato de funcionarios? Manos Limpias e demais chusma tardofranquista, pseudodemócrata e casposa que ainda perviven despois de tantos anos, individuos estes que propoñen inhabilitar de por vida ao xuiz da Audiencia Nacional Baltasar Garzón, e que supoño terán arelas de ollar a este home entre reixas, o único que tivo un par de pelotas para colle-lo touro polos cornos no tema da Memória Histórica e investigar moitos casos de xente represaliada pola ditadura de Franco, agora os fillos daqueles seica buscan vinganza e queren rematar con el, pero a vida conta das manifestacións que se preparan para este fin de semana en todo o Estado Español, non o han de ter doado.

Primeiro foi incredulidade, logo decepción e posteriormente xenreira e noxo, noxo hacia unha certa caste de políticos que pensan que poden ir polo mundo asoballando a todos, falando con ese ton de desprezo e de superioriedade. Claramente estouvos a falar de Rosa Díez, unha "politica" de corte centralista, que aboga pola supresión das autonomias e promotora dunha língua común para todos, as súas declaracións de onte nun programa de televisión presentado por Iñaki Gabilondo foron toda unha declaración de intencións, UPyD, o partido ao cal representa esta señora, acadou perto de 27.000 votos nos últimos comicios galegos, e iso tennos que facer pensar.

Os galegos e galegas estamos por riba de calqueira comentario deste estilo, aludiria ao refraneiro popular dicindo que non hai máis desprezo que non dar aprezo, pero non podo, cousas como esta supéranme, comprobádeo vós mesmos aquí (arredor do minuto cinco).

E por certo, a reacción de Iñaki Gabilondo, non o deixa en demasiado bo lugar, en troques de reprende-la súa actitude claramente racista, tirou para adiante sen máis miramentos, señor Iñaki, ¿non será tamén vostede basco no sentido máis peyorativo da palabra verdade?, saiba vostede que acaba de perder un telespectador máis, pero iso xa o saberá a estas horas, non ten máis que leer o seu blogue no dia de hoxe, que mágoa, parece mentira que sexa vostede de esquerdas.

Con políticos coma estos non imos a ningures.

 José Luis Gómez, director de Xornal de Galicia.com

[... En Galicia se están sucediendo acontecimientos impropios de un país desarrollado sujeto a un Estado de derecho. Pero el problema no está solo en la Xunta. La mayoría de las cosas afectan también a la Oposición y a la propia sociedad civil, si es que existe tal y como es entendida en los países avanzados.

Vayamos por partes. Ayuntamientos en los que ni siquiera hay arquitecto municipal van a poder autorizar que se construya como les venga en gana en la Galicia rural, de por sí toda una desfeita urbanística, a la que uno se puede asomar tanto yendo por las pistas de la parcelaria como viendo de cerca los mapas de este pequeño país en Google. Es una idea del Gobierno de Feijóo que, lejos de levantar de sus asientos a los grupos de la Oposición, está siendo asumida como si aquí no pasase nada. A lo mejor les parece más interesante explicar las diferencias de matiz entre Máis BNG y la UPG, o salvarle la cara a Zapatero en la lamentable financiación de una Galicia que ahora ya sabe el precio de no tener un buen Estatuto de autonomía. Alucinante.

Claro que tampoco está nada mal esa vergüenza que pasan un día sí y otro también los que están obligados a defender el gallego desde las instituciones y encima le ríen las gracias a un Feijóo que casi les echa la bronca por andar rexeitando con la boca pequeña. Vergonzante.

En Galicia estamos a punto de jugarnos las cajas de ahorros, que es de las pocas cosas grandes que nos quedan, y resulta que una parte importante de nuestra clase política, que no se entera de nada, se dedica a decir tonterías sobre asuntos económicos de tercera división. Mientras, los pobres paisanos de las aldeas engalanan sus tractores para que los gallegos del asfalto se enteren la semana que viene de su desesperación, víctimas de la caída libre de los precios de la leche. Aquí hay dinero hasta comprar motos pero no para los ganaderos. Injusto.

Los jóvenes informáticos gallegos quieren abrirse paso desarrollando el software libre y su Gobierno se acuesta con Microsoft, que encima se lleva una pasta de los impuestos que pagan los chavales y sus padres. Deprimente.

Según el ex rector Carlos Pajares, con una cuartilla y un lápiz se pueden calcular en menos de una hora los resultados de participación en la encuesta manipulada sobre el gallego, pero esa tarea le llevará ¡un mes! al peculiar conselleiro de Educación, se supone que con programas de Microsoft. Desolador.

Menos mal que nos queda Lendoiro y que el Deportivo abrirá la Liga jugando en el Santiago Bernabéu contra el Real Madrid de Cristiano Ronaldo. Pan y circo, que no falte.

--

P.D.: Lástima, por cierto, que quien se sintió capaz estos días de poner a Feijóo contra las cuerdas utilice su poder solo en su propio beneficio, y no en el de todos los gallegos. Pero de eso ya hablaremos otro día, que no siempre procede escribir de quienes presumen de poner y quitar presidentes...]

Editorial do director deste xornal electrónico que un servidor suscribe punto por punto, é lamentable, triste e cada dia que pasa máis desesperanzador, que este novo governo estexa a dar pasos atrás nunha chea de materias, e non me refiro somentes no tema da língua, senón en temas económicos, de educación, de convivencia social, de ordenación do territorio, semella que catro anos de traballo, no que se fixeron cousas malas, pero tamén boas e atinadas, van a ser tirados pola borda sen máis e iso tennos que facer pensar a todos, de verdade é primordial suprimi-los impostos que se gravan aos que teñen iates de luxo e convidar a Pescanova a que desfaga de novo a nosa costa ou é máis primordial axudar a tódalas familias galegas coa total gratuidade nos libros de texto e resolver dunha puñeteira os problemas de obreiros e labregos que están xogándose o pan das súas familias....pensemos un pouco cara onde imos con esta xente.

Por certo, que cando fala dos informáticos galegos, perfectamente se poderia referir a isto.

Dame a impresión que dende a Xunta non sabe como porlle final a esta pantomima que montaron para as autonómicas do mes de marzo, agora liquidan o parque móbil de luxo que tiña o presidente e mailos conselleiros, eses automóbiles da marca que todos coñecemos e que na súa maior parte foron mercados na época de Manuel Fraga, a él tamén lle gustaban os coches de alta gama, pero semella que iso tanto ten, ou iso é o que podemos entresacar do dito polo señor Alfonso Rueda á preguntas dun xornalista, ao cal respostou que iso non tiña demasiada importancia, vamos, que non viña a conto e que permutarán audis por vehículos sociais, ¡¡ veña populismo barato !!.

Agora o señor presidente descólgase con que non levará blindaxe no seu vehículo oficial, que o citroën con que conta, ten as medidas de seguridade axeitadas para o fin ao que é disposto, declaracións que ao meu modo de entender supoñen un reclamo innecesario, posto que agora é un obxectivo doado para ser agredido, asi que unha cousa é seguir coa patochada de desfacerse dos tres coches blindados, dous deles mercados na era Fraga e outra a de ir de valente pola vida e poñer en perigo a súa vida, pero vamos, vós mesmos, malvendede o patrimonio dos galegos por seguir con esa patochada ate o final.

Hai xa máis dunha semana que non posteaba nada, máis dun de vós xa estaria pensando que onde andaba metido, pois nada, podedes achacar este tempo sen escribir á falta do mesmo, ou sexa de tempo, cada dia teño menos porque a conta atrás para ser pai comezou e ando a mil por hora, réstanme pouco máis de tres semanas e xa comezo a estar un pouco agobiado de tempo, teño mil cousas que facer e pouco tempo para adicarlle a algo que non sexan os preparativos e mailo traballo.

Noutro orde de cousas, cómpre recoñece-la victoria do candidato Alberto(e) Núñez Feijoo e de todo o seu partido, ou máis ben a derrota do bipartito, non quero entrar en fonduras, pero coido que os últimos escándalos, sobre todo pola parte socialista botaron ao traste cós catro anos de governo. Ao meu parecer, a pasada campaña eleitoral foi dun perfil moi baixo, falouse máis de chanchullos, despilfarros e fotografías que dos programas de cada partido, estivo máis presente o tema da língua e do (teórico) conflito lingüistico existente que o feito de que estexamos inmersos nunha profunda crise e dunha recesión coma non se tivera por aqui en moitos anos, e tanto falo de Galiza coma do resto do Estado Español. Como apuntaba no título do post, comeza unha nova xeira na política galega, cun Partido Popular vencedor holgadamente e un PsdG e B.N.G na procura dun novo líder, o tema do bloque antóllaseme máis complicado, posto que as saídas de tono de Beiras non axudan nada a levar unha transición acougada, falouse xa de varios candidatos, eu persoalmente xa teño o meu, pero agardemos á vindeira Asemblea Nacional que terá lugar en Santiago de Compostela.

Dende aqui agardo que o novo presidente cumpra coas súas propostas de austeridade no gasto, -polo que semella xa mercou un Citroën C6-, e que non desfaga completamente o que xa está feito, que non estará de todo mal supoño, no que si teño máis dúbidas é no tema do idioma, as súas declaracións o primeiro dia falando das galescolas e do galego hai que collelas con pinzas, agardo que isto non supoña un retroceso no avanzo do galego que poida ferilo de morte, todos sabemos cal é o idioma que está en perigo, non sexamos demagogos con este tema e retrocedamos agora vinte ou trinta anos. Onte á noite estiven ollando en Intereconomía tv unha entrevista ao presidente electo e apuntaba boas maneiras, ou alomenos boas intencións, asi que, inda que non comulgue có seu ideario político, agardo que sexa un bo presidente da Xunta, que sexa autónomo nas súas decisións e teña sempre presente a Galiza e aos galegos e galegas, porque iso é o primeiro.

Eu xa votei, votei a pasada semana e por correo, pois estou en Salamanca actualmente, e veño lendo últimamente novas dunha campaña electoral moi estraña, tremendamente suxa, cós candidatos que non deixan de botarse porquería enriba.

Hoxe abría a prensa e na portada do Xornal atopaba esa imaxe que ollades: o PP continúa coa guerra suxa, despois de, por exemplo, colocar carteis "anónimos" dicindo Adeus Bipartito e de inventar cousas como un falso accidente de tráfico de Anxo Quintana para que a xente non acudise ao seu mitin.

E é que nesas andan, é moi triste ter que recurrir a desmotivar á xente para gañar nunhas eleccións, a pregunta que eu me fago é ¿Realmente queremos que esta xente que anda facendo parvadas pola rúa e inventando troulas goberne 4 anos eiquí?

Despois de cousas así, está visto que non teñen programa. Hoxe, como dicía, abrín a prensa, ¿e que atopei? Cousas como «Los que voten al PSOE votan en realidad por el Bloque», dito polo cabeza de cartel do PP en A Coruña, home, digo eu que o PSOE tentará chegar aos 38 deputados, pero a intención non é presentar as bondades do seu programa (no caso de que o tivera), senón chamar a que a xente non vaia a votar e así gañar.

Outra na prensa de hoxe: Baltar chama maricón ao Conselleiro de Medio Ambiente e insinúa que Quintana é un maltratador. Outro exemplo demostrado de o que queren.

¿E por que están tan nerviosos os persoeiros do PP para caer na descalificación e tan baixo? Porque grazas a este goberno temos unha rede de centros de atención de enfermos de Alzhéimer pioneira no Estado, porque cada vez máis maiores teñen menús no seu fogar, porque estase a apostar por outra política para o noso monte, o BNG foi o único partido capaz de defender ASTANO e porque cousas como o Banco de Terras están a funcionar.

E claro, ao PP somentes lle interesan os votos, e ao comezo da campaña as enquisas dicían que ían perder un escano por Lugo e outro por Ourense, os niños do caciquismo de Cacharro Pardo, Baltar e demáis tropa, debido ás políticas activas e cara a xente do BNG. E entón nesas estamos, cun partido avergoñante difamando día si e día tamén nos medios aos seus opoñentes, e logo suceden cousas como que o candidato estrela por Ourense remata sendo apartado da campaña por corrupto.

Catro anos desta xente non pode ser posíbel, eu xa votei, e ti deberías facer o mesmo este domingo.

Veño de ler en xornal.com unha nova que, inmersos como nos atopamos en plena campaña eleitoral xa tardaba que saira á luz. Como se dun partido político se tratara, Galicia Bilingüe, chamémoslle asociación, plataforma ou conglomerado de xente (de agora en diante G.B.) cun único obxectivo que é a persecución e criminilización do idioma galego polo mero feito de ser hoxendia defendido (xa era hora) pola actual Xunta de Galiza, saltaron hoxe á palestra informativa porque tamén queren ser actualidade, non ian ser menos.

Como se o ridículo que fixeran hai quince dias en Compostela non fora dabondo, esa mani na que da man de partidos tan democráticos como Falange Española se manifestaron reclamando igualdade para o castelán, ese idioma tan perseguido e denostado no noso País ao longo de séculos escuros nos que foi prohibido o seu emprego baixo pena de cárcere, agora pretenden chamar a nosa atención unha vez máis acuasando ao bipartito de protexer aos radicais independentistas que tan violentamente lles recibiron tanto en Compostela coma no seu periplo por vilas e cidades galegas. Gloria Lago, a cabeza visibel de tan casta asociación, que fala o galego na intimidade, acusou a Touriño e Quintana de que có seu silenzo protexen a esta xente, que supoño se referirá a Nós-Up, Briga, AMI, Ceivar e demais grupos, que son os responsábeis de que non poidan exercer libremente o seu dereito á discrepancia na política lingüistica galega.

Dende este blogue un servidor non está para nada orgulloso das imaxes que o outro dia mostraron a radicais guindando botellas contra a policia ou enfrontándose á xente de G.B. que se manifestaba por Compostela, pouco ou nada se dixo tampouco das provocacións feitas por membros da plataforma á xente que pacificamente mostraba o seu rexeitamente cara a éstes, e que foron golpeados polos antidisturbios, incluindo unha charanga cómica e sarcástica. Pero tampouco estou para nada acordo cós escuros fins desta asociación, apoiada por xente como o clube financiero vigués (coa crise que vivimos non terán outra cousa na que pensar) ou por partidos como o Partido Popular, Falange Española ou Unión Progreso y Democracia, ten narices que xente coma Rosa Diez, veñan a dicirnos aos galegos que temos un conflicto lingüistico e que aqui se persigue aos que falan castelán, porque nesa manifestación case houbo máis xente de fóra que galegos e galegas, nótese polo tanto o escaso respaldo que tiveron, ¿tantos rios de tinta e titulares para 3.000 persoas?.

Non hai outra, esa secta paranoica e casposa que non é quén de denunciar ataques xenófobos e racistas a galescolas, que esixe a rotulación bilingüe dos indicativos xeográficos có cal se incumpriria a lei de normalización da toponimia aprobada hai anos, que aboga pola segregación nas aulas ou que minte descaradamente dicindo que aquí temos un conflicto lingüistico, cando o castelán é o que copa o 90% das televisións e xornais en Galiza, non poden desvia-la atención do que verdadeiramente nos importa a tódolos galegos e galegas, o noso dia a dia, non precisamos que inventen problemas onde non os hai, que se é imposible escolarizarse en castelán, que se o meu neno non sabe contar os números máis que en galego e dúcias de exemplos absurdos aos que eles aluden para presentar unha realidade apocalíptica e totalmente falseada,  abonda xa de manipulación e de condescendencia hacia esta xente, non son mártires, son verdugos do noso idioma, nin máis nin menos.

Eu sempre fun de letras, ou máis ben de historia, xa que ésa era a miña asignatura preferida na antiga E.X.B. hai unha chea de anos diso, se boto contas, 200 autobuses a unha media de 50 persoas por cada un saen un total de 10.000 persoas, que segundo La Voz de Galicia ésa era a cifra de asistentes que onte lle deron un baño de masas ao tándem Feijoo-Rajoy na praza de touros de Pontevedra, fago mención a este xornal que para nada pode ser sospeitoso de ir en contra dos intereses do Partido Popular, máis ben ao contrario, pois ben, voltando aos números, se o aforo da praza de touros de Pontevedra é de 7.800 localidades os organizadores supoño que para chegar á cifra de dez mil persoas encherian tamén o coso de cadeiras, vamos, a metade del, que tamén haberia un palco para os oradores, polo tanto que espazo resta para os simpatizantes de Pontevedra, ¿ou acaso é que alí non habia xente de Pontevedra?. Rajoy sacou a foto que levaba toda a semana buscando, despois duns dias complicados con acusacións de corrupción e demais o lider popular precisaba este baño de multitudes, e a foto supoño que seria ésta:

Nun marco imcomparable, cheo de bandeiriñas e rodeado dos seus, que exceptuando os integrantes da organización eran na súa maior parte xente xubilada ou cunha media de idade de 5O ou 60 anos e traidos de todas partes de Galiza en bus, supoño que coa promesa de dar unha voltiña por Pontevedra, visitar unha praza de touros que é posible que na súa vida ollaran e quén sabe se, có agasallo tamén dunha bolsa cun bocata, unha peza de froita e un botellín de auga. Segundo apuntaron fontes populares, éste foi o acto máis importante de cantos se han celebrar na campaña galega, un acto que sinceiramente agradezo tivera lugar na miña cidade polo feito de que ¿cecais? deixara algo de cartos na mesma, inda que o dubido, pero que humildemente tacho de lavado de cara de Rajoy e pouco máis, fixeron un mitin na cidade e trouxeron a toda a xente de fóra, as contas non saen, ¿onde estaban os pontevedreses?, cando a xente saia da praza o 90% se dirixian aos autobuses e ninguén cara ao centro da cidade, non sei, canto máis corrupción no Pepé máis apoio popular en Galiza, pero sempre dos mesmos, ¿é preciso carretar xente de fóra e facer esta pantomima?, deixo esa pregunta no ar.

De tódalas maneiras, é de alabar o poder de convocatoria que tivo o Partido Popular, pero polo de agora as enquisas non reflicten tal apoio, veremos que pasa nas vindeiras semanas.

A nova saltaba na tardiña de onte aos medios, e un servidor que anda ultimamente moi desconectado de internet, televisión e xornais por mor do traballo e en maior medida da súa cada vez máis próxima paternidade, enterouse via chamada telefónica dun amigo e lector deste blogue de que o que prometia se-lo vindeiro super-conselleiro de economia da Xunta de Galiza (no caso que o Partido Popular gañara) andaba implicado en negocios turbios de comisións e contas bancarias nas Illas Caimán, como nas películas vamos, a cara de incredulidade que se lle debeu de quedar a Feijoo debeu de ser calcada á miña, algo semellante ao que tedes na foto da esquerda, na outra foto podedes ollar ao candidato popular con Luis Carrera, a la sazón o que estaba chamado a se-lo flamante conselleiro de Economia da Xunta e rematou sendo un de tantos que drefraudan ao fisco.

Asi que, polo que contan os mentideiros populares, o sheriff popular enterado desta nova (polo que informan via chamada telefónica do propio Luis Carrera) cesou fulminantemente ao número un da súas listas por Ourense, xa vedes, os galegos en temas de corrupción tampouco nos quedamos atrás, tamén cobramos comisións ilegais via paraisos fiscais, coma calqueira. Menudo fraco favor que lle fixo a Alberto Núñez Feijoo o que fóra a súa fichaxe mediática en cuestión económicas hai pouco máis dun mes, e do cal dixera o propio Feijoo que [..con Carrera el dinero de los gallegos estaría en buenas manos..], en fin, cousas de non revisar ben o currículum antes de contratar á xente. Pois mal comezamos asi señor Carrera, defraudando á Facenda vostede que pretendia se-lo conselleiro de economía.

Por moito que Feijoo diga que o feito de cesalo fulminantemente  é unha decisión que da boa mostra da rexeneración democrática do pepé galego, cousas coma ésta, seguir tirando de Fraga para acadar votos na Arxentina inda que se canse de falar de renovación ou ter de compañeiros de viaxe a Galicia Bilingüe que organiza para mañá unha manifestación a favor do bilingüismo (e contra o galego claramente) en Santiago de Compostela, non axudan nada a que os galegos e galegas confien nel coma o candidato axeitado para dirixirnos a todos.

Señor Feijoo, é preciso que teña xente competente ao seu redor, pero tamén, e o máis importante, non somentes xente que sexa honrada, senón que tamén aparente selo.

Supoño que non serei diferente a moitos de vós, teño o costume de cando estou no baño afeitándome prende-la radio para escoitar un chisco as noticias, adoito facer isto ao redor das sete e media da mañá máis ou menos, pois ben, o pasado sábado dia 24 de xaneiro deume por sintoniza-la COPE, porque para estar informados cómpre escoita-las dúas versións dunha mesma actualidade, estaba eu escoitando o informativo de Jimenez Losantos -ese home que ten pleitos coa xustiza- cando falou do famoso cheque-bebé, e un servidor como sabedes vai ser pai en breve, a finais de marzal para sermos máis exactos, pois iso, que nestas escoito iso e súbolle o volume á miña radio cutre de H.S. for men para escoitar con claridade do que falaban.

Entre que eu estaba inda estaba medio sopa e que o tio ese dalle máis voltas que un trompo a todo, pareceume escoitar que falaban de que ian retira-la axuda do chamado cheque-bebé neste 2009, que se os sindicatos falaban de que era algo prescindible, que con esta crise galopante que estamos a viver a Axencia Tributaria non se podia permitir un despilfarro de 1233 millóns de euros anuais, en fin, que xa coidaba que era verdade ese bulo que leva dende o pasado ano dando voltas pola rede e asegurando a súa inminente retirada. Reposto do inicial sobresalto comenteillo á miña muller, a cal aseguroume que efectivamente, nas clases pre-parto lle comentaran que o ian retirar, que llo escoitaran asegurar a fulanito de tal, vamos, máis intranquilidade se cadra, xa seria unha tremendísima putada que a primeira axuda estatal que vou receber na miña vida a vaian a retirar un mes antes de ter dereito a ela, ¡¡ joder, que cruz a miña !!, acto seguido póñome a pescudar pola rede información de todo iso e atopo unha  nova tranquilizadora..

“Es una Ley, no una cosa que pueda quitarse de la noche a la mañana”

Es imposible que la ayuda de los 2.500 euros por hijo desaparezca de buenas a primeras”. De esta forma tan contundente se expresó estos dias una portavoz del Ministerio de Trabajo y Asuntos Sociales ante el rumor, cada vez más extendido, de que el Gobierno planea eliminar el conocido como cheque bebé en el 2009 por culpa de la crisis económica.
Este “bulo”, como lo califican fuentes gubernamentales, ha crecido sustentado por la “ignorancia” de la gente y se ha expandido rápidamente gracias a internet, donde en numerosos foros muchos ciudadanos se han hecho eco de este rumor.

Asi que quixera tranquilizar a tódolos que estexades na miña mesma situación, as cousas pintan mal, todos o sabemos, pero polo de agora non tanto coma para retirar esta importante axuda coa que contamos, nin esta nin tampouco a axuda dos 100 euros mensuais ás nais traballadoras, non estamos á altura das axudas sociais que dan governos coma o alemán pero alomenos temos algo, a povoación galega e española son das máis envellecidas do mundo, se queren fomenta-la natalidade a retirada destas axudas non serian unha boa medida en absoluto, e menos agora en época de eleccións, alomenos en Galiza e Euskadi.

O candidato do Partido Popular (galego) á presidencia da Xunta de Galiza, o de sobra coñecido por apaga-los lumes coa mangueira de rega-los xeranios, prometia hai semanas unha renovación das listas de cara aos vindeiros comicios autonómicos galegos, se mal non entendo, renovación tradúcese en novas caras, xente moza nas ringleiras do partido, o mesmo que fixo por exemplo Telmo Martin con Jacobo Moreira en Pontevedra, dando por sentado isto, non entendo o empecinamento en tirar de hemeroteca e voltar a sacar do baúl do faiado a Manuel Fraga, ¿acaso Alberto non confias dabondo no teu potencial como político para capta-lo voto exterior?, digo isto porque dende hai dias o Partido Popular está a emprega-la foto do ínclito Alberto departindo amizosamente con Manuel Fraga, máis que nada por aquilo de que os galegos da Arxentina, os mesmos que tanto ten que estexan vivos ou mortos para votar, non se esquezan que na amada Galicia de Rosalía e Pondal a sombra de Fraga é mesta e alongada, e sempre está pendente de calqueira cousa que fagamos.

Esta imaxe faime lembrar a aquelas nas que o photoshop triunfaba nos comicios galegos, cun Manuel Fraga máis e máis xove a cada lexislatura, unha cousa era un retoque fotográfico, outro o escándalo de facerlle un lifting facial e que semellase un home de corenta ou cincuenta anos, en fin, Alberto e compañia, vós saberedes o que facedes, persoalmente coido que Fraga é pasado, mellor ou peor segundo quén o conte, pero pasado ao fin e ao cabo, e cómpre que afrontedes o futuro sen ataduras, senón tomade exemplo de Mariano, que tan pronto puido e tivo ocasión soltou lastre. 

Será que non teñen bolsas de gas natural, que non son posuidores de importantes xacementos petrolíferos e mineiros ou pode que sexa tamén porque nunca tiveron importantes aliados occidentais, pero coido que máis ben será que sinxelamente a ningún governo occidental lle interesa a causa palestina o máis mínimo, que éstes atópanse demasiado ocupados coa crise económica como para preocuparse agora dunha crise humanitaria ou dunha guerra encuberta que nos colle demasiado lonxe do mundo civilizado occidental.

Non quixera erixirme en baluarte da defensa do povo palestino, non é a miña intención a de empregar este medio de comunicación para facer soflamas ou encendidas chamadas á solidariedade con esta xente que está a ser asoballada vilmente dende hai tres semanas, máis ben o único que pretendo é apelar ao sentido común, o meu e mailo dos nosos governos que están en posición de facer algo para parar esta tremenda inxustiza. Non hai dúbida de que Israel como estado soberano ten dereito a se defender, supoño que tamén terá dereito a emprega-las armas para tal fin, pero o que non é para nada xustificable é que, apelando á defensa da súa povoación estexa a bombardear con artilleria, helicópteros e aviación a toda unha povoación civil que na súa maior parte non terá culpa do que fagan Hamas ou Al-fatah, que somentes están preocupados de subsistir dia a dia, non hai dereito a que o povo xudeo, que noutrora foi asoballado e case exterminado pola Alemaña de Hitler, faga agora exactamente o mesmo con outro povo que non ten tampouco patria recoñecida, os palestinos están a ser masacrados dende hai décadas, son encerrados no seu escaso territorio, son destruidas as súas casas e terreos de labranza e condenados a viver sen esperanza e cun futuro incerto.

¿Hai dereito a iso? ¿Porqué o governo dos U.S.A. non move ficha? ¿Porqué bombardean escolas, almacéns de víveres ou mesmo edificios da O.N.U con total impunidade? ¿Porqué algúns políticos españois se desmarcaron da protesta da pasada semana en Madrid?

Xa abonda desta vergoña, que cesen de inmediato as hostilidades e comece o diálogo, porque non hai dereito a que a maior potencia militar do Oriente Medio, armada polos EE.UU.,  masacre así a unha povoación civil indefensa namentres o resto do mundo mira hacia outro lado, o noso silenzo é cómplice deste xenocidio, si, XENOCIDIO DO POVO PALESTINO, por certo, non deixedes de pasarvos polo post que fixo Andrés Milleiro no seu blogue cun excepcional documento sonoro, froito dunha pequena entrevista súa a un cooperante español en Gaza feita hoxe mesmo.