A ponte vella

De los creadores de Andrés milleiro. info, trebellos, eu tamén son aduaneiro, tortilla de patata (a medias con Manuls) ou foro galiza llega a sus pantallas.... ¡¡verbas !!

Pois trátase dunha nova web, proxecto, idea ou chámalle X do blogueiro pontevedrés e amigo persoal Andrés Milleiro, esa cabeza pensante que nunca descansa, como o fulano este do anuncio de cervexa que conta calorias e tal, pois unha cousa semellante, o seu maxín sempre está fervendo na pescuda de novas movidas que facer ou inventar, desta volta verbas ven sendo, pois non saberia exactamente como definilo, -Andrés, se tes a ben pasarte por aqui podes explicalo ti mesmo-, vamos, unha web na que postea todas as súas paranoias, inquedanzas ou movidas varias que se lle ocorren, as cales non son poucas.

Pois nada, somentes queria avisarvos de que unha nova web de Andrés anda pola rede, podédela ollar en http://millei.ro/, eu pasóme de cando en vez que sempre colga algún video musical interesante ou algunha montaxe fotográfica simpática e boto unhas gargalladas.

Sorte Andrés, e xa sabes, cando veñas débesme unha birra

Semella que ante a escasa información municipal no tema da Feira Franca, sen ir máis lonxe, o meu blogue é un dos máis visitados en canto a pescudar información sobre ela se refire, senón botádelle unha ollada ao google e poderedes atopar este blogue no terceiro posto dos resultados, por diante da propia web temática. Pois ben, nisto andaba eu cando atopei o comentario de Cècile no meu post sobre a Feira Franca, nel me solicita como poñerse en contacto coa xente que organiza a feira, có obxecto de instalar un posto de artesanía, e cal é a miña sorpresa, cando entro na ligazón que me deixou e comprobo que se trata dunha web francesa, ¡¡ carallo !!, ata onde está a chegar a repercusión e mailo éxito desta festa que comezou coma algo local e agora semella ser  internacional, a web de Cecile, por se tedes curiosidade é ésta que vos linko (menudo palabro) aquí.

Pero vamos, que aparte de chamarme a atención o feito de que me soliciten información dende Francia, o que máis me jode, e con perdón da expresión, é a escasa información que aporta o noso concello sobre esta festa tan importante, porque xa mudaron a web en varias ocasións e ademais case non a actualizan ate unha semana ou dez dias antes, polo que moita xente coma Cècile non poden preparar con tempo a súa participación na mesma, dende aqui señores do Concello de Pontevedra e refírome concretamente a Anxos Riveiro, póñanse as pilas neste tema, e por favor fáganlle de paso unha limpeza en condicións a http://www.feirafranca.info, porque cada vez que entro o avast (o meu antivirus) avísame de que a web contén troyanos... vamos, de coña.

E con él esta tempada 08-09 para tódolos siareiros granates, despois da última derrota en Ferrol fronte ao Racing por un rácano 1-0 e sen apenas xogo por parte dos departamentales. Agora cómpre pensar friamente se isto non se via vir dende hai meses, se esta directiva que temos, máis preocupada nestes derradeiros anos pola política -e por emprega-lo clube como ariete contra o Concello de Pontevedra a medias coa Deputación de Pontevedra do señor Louzán e da señora Teresa Pedrosa-, que polo ben do Pontevedra C.F.,  fixo as cousas sen planificar e sen deixarse aconsellar por expertos, fichando xente sen experiencia na nosa liga, ¡¡ nunha liga de segunda división B señores, non o esquezan !!, xente como Jonay, polo que, por problemas coa súa fichaxe, unha sentenza xudicial nos obriga a pagar 25.000 euros de multa, xente que viñan de figuras e non foron máis que torcebotas que deixaron maltreita a tesoureria do clube, porque esa é outra cuestión, ¿que foi daquel superávit que tiña o Pontevedra C.F. S.A.D.? agora no temos un can, nin cartos nin resultados deportivos, moito medo me da todo isto e máis coa crise tan jodida e que tamén chegou ao deporte.

Personalmente agardo unha nova directiva para a vindeira tempada, nova xente con proxectos e con ambición, fichaxes con sentidiño, de xogadores contrastados de Segunda B e veteranos na categoria e o máis importante,  con gañas de ascender, menos extranxeiros e máis canteira galega e española, agardo tamén que o clube mime máis ao socio, sempre somos os que soltamo-los cartos pero os peor tratados, con isto tamén quero dicir que os abonos 2009-2010 deberian ser a prezo de segunda división B, acordes coa nosa actual situación, deixémonos de flipar e teñámolos pes no chan. Como dicia, a tempada rematou para nós, a partires de agora e se hai cartos claro, Gay poderia conformar un novo equipo para o vindeiro ano, quédome con Xavi Moré (que marchará seguro, ten moito futuro por diante), con Guimeráns (canteirán con casta e comprometido có equipo), có capi Vázquez, experto na categoria e dos mellores desta tempada sen dúbida e pouco máis, se cadra con Mikel Saizar, que non o fixo mal de todo, o resto podémolos vender de saldo no cash converter.

Dende aqui o meu apoio incondicional ao Pontevedra C.F., -que non á súa nefasta directiva-, agardemos que as cousas cambien moito, menos mercenarios e máis xogadores con entrega e con compromiso, e iso podenno atopar nas ligas galega española, non é preciso recurrir a Chipre, Brasil, Arxentina ou Venezuela.

Sorte Pontevedra !!

Senón dos que están nos postos de responsabilidade por estar. Teño pasado por aquel punto en multitude de ocasións, coma moitos de vós, ás veces ao vir de Vilagarcía de Arousa e para non coller moito tráfico os sábados ou domingos na ponte da barca, estouvos falando do enlace que vai dende a rotonda da PO-531 á vía N-550 (Pontevedra-Santiago) na zona de San Caetano (Alba), que algúns de vós coñeceredes polo magnífico furancho que hai alí ou pode que outros polo famoso incendio do arquivo de expedientes médicos de hai varios anos.

¿Como pode ser que dende hai anos o avisador luminoso, -do cal o Diario de Pontevedra non fai mención algunha- estexa estropeado e os responsables fixeran caso omiso das queixas dos veciños da zona?, logo veñen as desgrazas, o espabilado conductor do camión pasou olimpicamente do disco de advertencia de altura máxima permitida de 3.40 metros e cós seus 3.80 metros decidiu ver que pasaba, consecuencia disto, tremendo ostiazo contra a ponte e logo máis danos extructurais ao tentar sacalo maniobrando marcha atrás, a ver se me podo ir de aqui e ninguén se decata deste tinglado debeu pensar o fulano.

Isto é o que acontece pola incompentencia dos responsables de manter este punto en condicións e ben sinalizado.

Onte non tiven ocasión de poder asistir en directo a Pasarón, pero si de escoita-la retransmisión de Ramón Mella e Ramiro Espiño pola SER de Pontevedra e de comprobar por min mesmo que o prestixio do Pontevedra foi tirado polo chan, e con el as escasas posibilidades que tiñamos de meternos no play-off de ascenso, vamos, coido que inda temos posibilidades, pero con esta banda de mangantes mellor non presentarnos a el baixo risco de facer outro ridículo coma o de Córdoba, Sevilla ou Ceuta máis recentemente.

Podemos perder por falla de aptitud, este ano non temos nin de lonxe o mellor dos planteis, pero o que si non podemos é perder un partido por falla de actitude, e iso foi o que non tivemos onte, tiña que escribir algo sobre o acontecido, pero serei sensato e farei igual que José Aurelio Gay onte na rolda de prensa, ser cauto falar coa cabeza fria, porque senón os calificativos que proferiría sobre esta ONU granate que temos non serian demasiado gratos de escoitar. Somentes dicir que onte tiñamos que dalo todo, que CeltaB e Racing de Ferrol empataran e que podiamos poñernos cuartos con un pequeno esforzo e sacando adiante un partido contra unha plantilla que leva toda a tempada sen cobrar e son uns recén ascendidos da terceira división, pero non, palmamos 0-4 na casa, diante da marea granate coa que algúns xogadores se enchen a boca, ríndonos deles na súa faciana, cando nos deron a súa confianza un anos máis a expensas de saber que non tiñamos un equipo competitivo.

Temos o que nos merecemos, confio en que todo isto mude para o ano, que tomemos un novo rumbo, que fagan un proxecto con tempo, gañador e con futuro (se temos cartos), a tempada rematou para nós, agora so resta recapacitar e organizarse, para o ano estarei ahí de novo, quén sabe, cecais saque dous carnets desta volta, pero para iso tédelo que gañar, a pelota está no voso tellado.

Nunha das contadas ocasións que tiven polo de agora de ollar un pouco de televisión, o pasado mércores ou xoves, xa non me lembro exactamente do dia,  atopei esta nova serie (matalobos) e miniserie (conexión) da galega facendo algo de zapping. A historia transcorre en Sardiñeira, unha pequena vila costeira de Galiza, que ben poderia ser Vilanova de Arousa, O Grobe, Sanxenxo ou calqueira de tantas, non conto máis porque tampouco me quero extender demasiado, a sinopse podédela atopar aquí. O argumento das dúas é recurrente, e inda máis trantándose dunha serie ambientada no noso País, o narcotráfico e todo o que iso conleva, inda asi coido que está moi ben tratada, con actores xoves e algúns xa consagrados, como Ernesto Chao, que está mortal no seu papel de cabeza de familia pudiente con pazo e todo na miniserie Conexión, polo demais chamoume a atención o feito de que ésta foi rodada en tres idiomas, galego, portugués -xa que tamén hai narcos e policia judiciária portuguesa- e castelán, reservado á Garda Civil e a policia española, a galega sempre innovando, coma cando foi a estrea de Mareas Vivas e empregaron por primeira vez o seseo e a gheada na tv.

Do que si xa non estou tan dacordo é do feito de subtitula-los diálogos dos actores portugueses, vale, que non son precisamente de Valença do Minho ou de Vilanova de Cerveira e o sotaque que teñen é un chisco máis pechado, pero facendo un pequeno esforzo ben poderiamos entendelo e asi de paso aprendelo portugués, cousa que nunca está de máis, pero vamos, iso é un apuntamento sen importancia, o feito é que a serie gústame e acho que será un produto perfectamente  exportable coma foi Mareas vivas no seu dia, e iso está ben, que teñamos produccións propias ademais de actores participando en series a nivel "nacional".

O dito, recoméndovola encarecidamente o visionado de Matalobos, a outra, Conexión, é unha mini-serie de dous capítulos que inda me gustou máis se cadra e que podedes ollar aqui, na web da tvg.

E se me paro a conta-los dias, xa case hai un mes que non posteaba nada nesta bitácora onde teño amigos, coñecidos e veciños cós que compartin ao longo destes case dous anos de a ponte vella un montón de novas, inquietudes e tamén confidencias, e se temos en conta o número de comentarios feitos, unha das máis populares foi a da miña recente paternidade. Van aló quince dias que son pai e somentes vos podo dicir que foi e segue a ser unha experiencia inesquecible e irrepetible, agora que somos un máis na casa a responsabilidade é moi grande, e como a nena non ven con manual de instruccións, pois imos aprendendo pouco a pouco e dia tras dia, alá fican os dous dias que estivemos no hospital, nos que Sabela durmia ata sete horas dun tirón, ¡¡ amigo !!, pero na casa moito cambiou a cousa, e se conseguimos durmir máis de tres horas dunha sentada xa é moito, os gases, ese grande inimigo dos bebés lactantes, menudo cabrón o condenado. Polo demais estes quince dias foron unha rutina de darlle as tomas e poñela a durmir, e asi case que todo o dia,  semella algo doado, pero ao final empregas todo o dia en facer isto unha e outra vez, tanto é asi que nestes quince dias a de hoxe é a primeira ocasión na que me sento diante do ordenador, dende o pasado dia 26 de marzal apenas ollei a televisión e o intre de xantar e de cear é algo case que secundario, o que de verdade importa é o da nena, o seu baño e a súa toma, eu tiven noites nas que atopei un intre para cear un sandwich rápido a iso das doce ou unha da mañá porque habia que atendela e con ela unha multitude de cousas na casa.

Pero agora semella que comeza unha regularidade e un hábito na nena, e con ela ha de vir unha tranquilidade que semella perdéramos hai semanas, pero que foi para gañar ledicia e balbordo na casa, porque somos un máis e iso nótase, xa teño gañas de que a nena comece a face-los xestos cotíans dos nenos, daquela será cando de verdade comecen os xogos con ela, para cando ese dia chegue agardo estar preparado para afrontalo, teño a responsabilidade dunha  nova vida nas miñas mans, pero tamén teño unhas gañas inmensas de xogar con ela, de ensinarlle cousas novas, de falarlle e de compartila cós seus tios, avós e bisavós (ten un de 98 anos), a nena é unha ledicia para toda a familia, non somentes para os seus pais.

Nestes dias que estiven umplugged do blogue respostei a algúns dos vosos comentarios, aos de sempre, os que estades ahí ao pé do cañón e tamén aos novos como Helena, unha amiga de Bilbo, dos tempos do chat do irc #musica_celta que enterouse hai uns dias de que fun pai, para ela un saúdo afectuoso tamén. Polo demais agardo postear algo de cando en vez nesta nova actualización do Wordpress coa que me acabo de atopar ao entrar hoxe no blogue. O dito, xa nos veremos pola blogosfera pontevedresa, polo de agora seguirei coas miñas obrigas e con apenas tempo para escoitar algo de música(estes dias Russian red e Los planetas) e face-las tarefas da casa, ah!! por certo, o meu pontevedriña segue ahí dando guerra, así que agardo que a nena visite un campo de 2ª en breve, será unha siareira granate máis na bancada de norte.

Pois na casa xa case que temos todo listo e preparado para a chegada de Sabela, e como digo no título do post, comeza a conta atrás, restan pouco menos de dez dias para sair de contas, pero teño un presentimento e dame a impresión que o vindeiro fin de semana serei pai por primeira vez, non sei, pode que sexa unha corazonada, hoxe mesmo en Pasarón comentaba isto mesmo con Manuls.

Ate o de agora non estiven para nada nervioso, vamos, non polo de agora, porque coido que nesta semana e asi que vaian avanzando os dias comezarei a poñerme algo intranquilo, ou non, quén sabe, teño que recoñecer que son unha persoa nerviosa, pero nin tan sequera eu saberei coma vou respostar ante unha situación coma ésta, que é nova para min en tódolos aspectos, de tódalas maneiras agardo que ben, hai que templa-los nervios e estar tranquilo, ou iso é o que todo o mundo me recomenda.

Asi que nesta semana tampouco publicarei ningún post, librarédesvos de min por uns dias, que pode que sexan semanas, quén sabe, traballo terei dabondo coma para pasarme por aqui, pero prometo ter un oco os fins de semana para atender a tódolos parroquianos de a ponte vella que xa sodes uns cantos. Nesta semana que hoxe rematou e na que tamén estiven un tanto umplugged do blogue, pasouse por aqui algunha xente nova, unha delas foi Helena, unha amiga de Bilbo da que non tiña novas dende hai moitos anos, dende os tempos dos meus inicios en internet coa canle #música_celta do IRC Hispano, algún de vós se lembrará diso, alomenos hai oitos ou nove anos, unha grata sorpresa e unha casualidade este reencontro cunha vella amiga. Tamén se pasaron por este blogue dúas rapazas galegas de beca Erasmus en Irlanda, seica estaban na pescuda da lenda de Breogán e deron có meu blogue, se tedes curiosidade, pasádevos por En tierras de Shamrock, por certo, eu teño un shamrock no meu cuarto, lembranza da miña estadía en Dublín o pasado verán, o shamrock para quén non o saiba, é o famoso trébol, un dos símbolos da verde Eirín.

Pois nada máis polo de agora, xa teredes novas miñas máis breve que tarde, ou iso é o que alomenos agardo

Hai xa máis dunha semana que non posteaba nada, máis dun de vós xa estaria pensando que onde andaba metido, pois nada, podedes achacar este tempo sen escribir á falta do mesmo, ou sexa de tempo, cada dia teño menos porque a conta atrás para ser pai comezou e ando a mil por hora, réstanme pouco máis de tres semanas e xa comezo a estar un pouco agobiado de tempo, teño mil cousas que facer e pouco tempo para adicarlle a algo que non sexan os preparativos e mailo traballo.

Noutro orde de cousas, cómpre recoñece-la victoria do candidato Alberto(e) Núñez Feijoo e de todo o seu partido, ou máis ben a derrota do bipartito, non quero entrar en fonduras, pero coido que os últimos escándalos, sobre todo pola parte socialista botaron ao traste cós catro anos de governo. Ao meu parecer, a pasada campaña eleitoral foi dun perfil moi baixo, falouse máis de chanchullos, despilfarros e fotografías que dos programas de cada partido, estivo máis presente o tema da língua e do (teórico) conflito lingüistico existente que o feito de que estexamos inmersos nunha profunda crise e dunha recesión coma non se tivera por aqui en moitos anos, e tanto falo de Galiza coma do resto do Estado Español. Como apuntaba no título do post, comeza unha nova xeira na política galega, cun Partido Popular vencedor holgadamente e un PsdG e B.N.G na procura dun novo líder, o tema do bloque antóllaseme máis complicado, posto que as saídas de tono de Beiras non axudan nada a levar unha transición acougada, falouse xa de varios candidatos, eu persoalmente xa teño o meu, pero agardemos á vindeira Asemblea Nacional que terá lugar en Santiago de Compostela.

Dende aqui agardo que o novo presidente cumpra coas súas propostas de austeridade no gasto, -polo que semella xa mercou un Citroën C6-, e que non desfaga completamente o que xa está feito, que non estará de todo mal supoño, no que si teño máis dúbidas é no tema do idioma, as súas declaracións o primeiro dia falando das galescolas e do galego hai que collelas con pinzas, agardo que isto non supoña un retroceso no avanzo do galego que poida ferilo de morte, todos sabemos cal é o idioma que está en perigo, non sexamos demagogos con este tema e retrocedamos agora vinte ou trinta anos. Onte á noite estiven ollando en Intereconomía tv unha entrevista ao presidente electo e apuntaba boas maneiras, ou alomenos boas intencións, asi que, inda que non comulgue có seu ideario político, agardo que sexa un bo presidente da Xunta, que sexa autónomo nas súas decisións e teña sempre presente a Galiza e aos galegos e galegas, porque iso é o primeiro.

Eu xa votei, votei a pasada semana e por correo, pois estou en Salamanca actualmente, e veño lendo últimamente novas dunha campaña electoral moi estraña, tremendamente suxa, cós candidatos que non deixan de botarse porquería enriba.

Hoxe abría a prensa e na portada do Xornal atopaba esa imaxe que ollades: o PP continúa coa guerra suxa, despois de, por exemplo, colocar carteis "anónimos" dicindo Adeus Bipartito e de inventar cousas como un falso accidente de tráfico de Anxo Quintana para que a xente non acudise ao seu mitin.

E é que nesas andan, é moi triste ter que recurrir a desmotivar á xente para gañar nunhas eleccións, a pregunta que eu me fago é ¿Realmente queremos que esta xente que anda facendo parvadas pola rúa e inventando troulas goberne 4 anos eiquí?

Despois de cousas así, está visto que non teñen programa. Hoxe, como dicía, abrín a prensa, ¿e que atopei? Cousas como «Los que voten al PSOE votan en realidad por el Bloque», dito polo cabeza de cartel do PP en A Coruña, home, digo eu que o PSOE tentará chegar aos 38 deputados, pero a intención non é presentar as bondades do seu programa (no caso de que o tivera), senón chamar a que a xente non vaia a votar e así gañar.

Outra na prensa de hoxe: Baltar chama maricón ao Conselleiro de Medio Ambiente e insinúa que Quintana é un maltratador. Outro exemplo demostrado de o que queren.

¿E por que están tan nerviosos os persoeiros do PP para caer na descalificación e tan baixo? Porque grazas a este goberno temos unha rede de centros de atención de enfermos de Alzhéimer pioneira no Estado, porque cada vez máis maiores teñen menús no seu fogar, porque estase a apostar por outra política para o noso monte, o BNG foi o único partido capaz de defender ASTANO e porque cousas como o Banco de Terras están a funcionar.

E claro, ao PP somentes lle interesan os votos, e ao comezo da campaña as enquisas dicían que ían perder un escano por Lugo e outro por Ourense, os niños do caciquismo de Cacharro Pardo, Baltar e demáis tropa, debido ás políticas activas e cara a xente do BNG. E entón nesas estamos, cun partido avergoñante difamando día si e día tamén nos medios aos seus opoñentes, e logo suceden cousas como que o candidato estrela por Ourense remata sendo apartado da campaña por corrupto.

Catro anos desta xente non pode ser posíbel, eu xa votei, e ti deberías facer o mesmo este domingo.

A actual campaña eleitoral está sendo das máis suxas e marrulleiras de cantas tiven ocasión de ollar, e iso que vaticinaban que a atención non ia estar nas eleccións galegas, que iamos estar en parte eclipsados polas bascas, pero os galegos e galegas abondamos e sobrámonos para montarnos lios e chama-la atención sen facer demasiado esforzo, o último escándalo foi esta foto:

Amigo Anxo Quintana, non sei vostede terá gabinete de prensa ou protocolo, é de supor que si, en tal caso non sei como éstes poideron ser tan sumamente despistados coma para deixar que lle tiraran unha foto a dous dias para remata-la campaña a bordo do iate de Jacinto Rey, xa sei que é amigo seu e todo o que queira, pero as formas son as formas, e o tal Jacinto supoño que saberás que é dono da Construtora San José, e tamén foi beneficiario do reparto de megawatios no último plan eólico, polo tanto por moito que foras convidado a xantar en Sanxenxo e tivérades un solazo criminal, coido que non foi o intre axeitado para quedar con el, que xa deberias saber que a xente é moi mal pensada, e Feijoo o primeiro, que despois tes que dar explicacións de porqué visitaches a un empresario en plena campaña eleitoral e todo iso. Por outra banda, o teu contrincante Alberto tamén se xunta con empresarios, pero iso semella que pouco lles importa aos medios, o obxectivo agora é o BNG e hai que derribalo como sexa, nin que fórades unha amenaza para o todopoderoso Partido Popular ou para o Partido Socialista, que a base de cameos por terras galegas dos seus líderes e incluso algún ministro, non deixaron de se-lo foco de atención estas dúas semanas de campaña.

O dito, mellor que deixara-la tortilla no iate para outro dia, que a xente é moi envidiosa e malpensada.

Veño de ler en xornal.com unha nova que, inmersos como nos atopamos en plena campaña eleitoral xa tardaba que saira á luz. Como se dun partido político se tratara, Galicia Bilingüe, chamémoslle asociación, plataforma ou conglomerado de xente (de agora en diante G.B.) cun único obxectivo que é a persecución e criminilización do idioma galego polo mero feito de ser hoxendia defendido (xa era hora) pola actual Xunta de Galiza, saltaron hoxe á palestra informativa porque tamén queren ser actualidade, non ian ser menos.

Como se o ridículo que fixeran hai quince dias en Compostela non fora dabondo, esa mani na que da man de partidos tan democráticos como Falange Española se manifestaron reclamando igualdade para o castelán, ese idioma tan perseguido e denostado no noso País ao longo de séculos escuros nos que foi prohibido o seu emprego baixo pena de cárcere, agora pretenden chamar a nosa atención unha vez máis acuasando ao bipartito de protexer aos radicais independentistas que tan violentamente lles recibiron tanto en Compostela coma no seu periplo por vilas e cidades galegas. Gloria Lago, a cabeza visibel de tan casta asociación, que fala o galego na intimidade, acusou a Touriño e Quintana de que có seu silenzo protexen a esta xente, que supoño se referirá a Nós-Up, Briga, AMI, Ceivar e demais grupos, que son os responsábeis de que non poidan exercer libremente o seu dereito á discrepancia na política lingüistica galega.

Dende este blogue un servidor non está para nada orgulloso das imaxes que o outro dia mostraron a radicais guindando botellas contra a policia ou enfrontándose á xente de G.B. que se manifestaba por Compostela, pouco ou nada se dixo tampouco das provocacións feitas por membros da plataforma á xente que pacificamente mostraba o seu rexeitamente cara a éstes, e que foron golpeados polos antidisturbios, incluindo unha charanga cómica e sarcástica. Pero tampouco estou para nada acordo cós escuros fins desta asociación, apoiada por xente como o clube financiero vigués (coa crise que vivimos non terán outra cousa na que pensar) ou por partidos como o Partido Popular, Falange Española ou Unión Progreso y Democracia, ten narices que xente coma Rosa Diez, veñan a dicirnos aos galegos que temos un conflicto lingüistico e que aqui se persigue aos que falan castelán, porque nesa manifestación case houbo máis xente de fóra que galegos e galegas, nótese polo tanto o escaso respaldo que tiveron, ¿tantos rios de tinta e titulares para 3.000 persoas?.

Non hai outra, esa secta paranoica e casposa que non é quén de denunciar ataques xenófobos e racistas a galescolas, que esixe a rotulación bilingüe dos indicativos xeográficos có cal se incumpriria a lei de normalización da toponimia aprobada hai anos, que aboga pola segregación nas aulas ou que minte descaradamente dicindo que aquí temos un conflicto lingüistico, cando o castelán é o que copa o 90% das televisións e xornais en Galiza, non poden desvia-la atención do que verdadeiramente nos importa a tódolos galegos e galegas, o noso dia a dia, non precisamos que inventen problemas onde non os hai, que se é imposible escolarizarse en castelán, que se o meu neno non sabe contar os números máis que en galego e dúcias de exemplos absurdos aos que eles aluden para presentar unha realidade apocalíptica e totalmente falseada,  abonda xa de manipulación e de condescendencia hacia esta xente, non son mártires, son verdugos do noso idioma, nin máis nin menos.